Avval xabar qilganimizdek, shu tun Toshkentda chaqiruv bo`yicha voqea joyiga etib borgan IIB xodimi o`ldirildi.
Ayni paytda Bosh prokuratura matbuot xizmatining xabar qilishicha, Toshkent shahar prokuraturasi tomonidan Olmazor tumanida IIO FMB profilaktika inspektori qasddan o`ldirilganligi holati yuzasidan tergov harakatlari olib borilmoqda.
Hozirda prokuratura hamda ichki ishlar organlarining malakali va tajribali xodimlaridan iborat tezkor-tergov guruhi tashkil qilingan bo`lib, xodimning hayotiga tajovuz qilishda gumonlanayotgan shaxsni qo`lga olish barcha zarur choralari ko`rilmoqda.
Bosh prokuratura jamoasi og`ir judolikka uchragan marhum xodimning yaqinlariga chuqur ta`ziya izhor etib, hamdardlik bildiradi.