“O`zbek-qirg`iz” chegarasida katta miqdordagi narkotik moddalar qoldirib ketilgani aniqlandi (video)

Jinoyat 10.03.2023, 10:54
Teglar: Video, chegara, qirg`iz
“O`zbek-qirg`iz” chegarasida katta miqdordagi narkotik moddalar qoldirib ketilgani aniqlandi (video)

DXX Chegara qo`shinlari va Namangan viloyati bo`yicha Boshqarmasi harbiy xizmatchilari tomonidan olib borilgan tezkor-qidiruv tadbirlari natijasida katta miqdordagi narkotik moddalarning “o`zbek-qirg`iz” davlat chegarasidan noqonuniy o`tkazilgan holati aniqlandi. Bu haqda "darakchi.uz"ga DXX matbuot xizmati xabar bermoqda. 

Jumladan, davlat chegarasining Yangiqo`rg`on tumani hududidan o`tuvchi qismida noma`lum shaxslar tomonidan qoldirib ketilgan 14 kg 512 gr. “gashish” moddasi borligi aniqlanib, prosessual tartibda rasmiylashtirib olindi.

Hozirda holat yuzasidan DXX Namangan viloyati bo`yicha Boshqarmasi tomonidan Jinoyat Kodeksining 246-moddasi bilan jinoyat ishi qo`zg`atilib, ushbu giyohvandlik vositalari egalarining shaxsiga aniqlik kiritish bo`yicha zarur chora-tadbirlar amalga oshirilmoqda. 

DXX Toshkent shahar bo`yicha Boshqarmasi xodimlari tomonidan boshqa huquq-tartibot idoralari bilan hamkorlikda o`tkazilgan tezkor tadbirda esa “Namangan-Toshkent” yo`nalishida harakatlanayotgan “Lasetti” rusumli avtomashina Ohangaron tumani hududida to`xtatildi. 

Avtomashina ko`zdan kechirilganda, unda yo`lovchi sifatida ketayotgan, 2002 yilda Farg`ona viloyatida tug`ilgan fuqaroga tegishli qo`l sumkasi ichida 50 gr. “geroin” moddasi, 672 dona “Regapen” va 300 dona “Tropikamid” kuchli ta`sir qiluvchi dori vositalari borligi aniqlanib, prosessual tartibda rasmiylashtirib olindi. 

Tezkor tadbir davom ettirilib, Qirg`iz Respublikasi fuqarosi tomonidan Yangiqo`rg`on tumani hududiga kontrabanda yo`li bilan o`tkazilgan ushbu giyohvandlik vositalarini 1800 AQSh dollariga sotib olgan, 1996 yilda Buxoro viloyatida tug`ilgan shaxs ham Ohangaron tumanidagi “Chinor” YPX maskanida ushlandi.

Ta`kidlash lozimki, mazkur shaxslarning biri Toshkent shahridagi davlat, ikkinchisi esa nodavlat universitetlarning talabalari hisoblanib, ular poytaxt hududida narkotik moddalar savdosi bilan shug`ullanishgan.

Hozirda ushbu fuqarolarga nisbatan DXX Toshkent shahar bo`yicha Boshqarmasi tomonidan Jinoyat Kodeksining 246, 2511 va 273-moddalari bilan jinoyat ishi qo`zg`atilib, tergov harakatlari olib borilmoqda.

 

Sharhlar

Toshkentda 9-sinf o`quvchisi odamlarni is gazidan saqlab qoladigan ixtiro yaratdi (video)

17.11.2023, 09:49

3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
Oqqo`rg`onda vertolyot ishtirokida to`y kortejini qilganlar jarimaga tortildi (video)

16.11.2023, 12:40

Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
Kechagi yomg`irdan so`ng Toshkent markazidagi yangi "dom"ning eri cho`kib, tagi ochilib qoldi (video)

10.11.2023, 12:45

Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
Farg`onadagi ekin dalasiga yangi tug`ilgan chaqaloq tashlab ketildi (video)

04.11.2023, 12:37

Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
Ob-havo: Toshkent
Valyuta kursi
1