Farg`onada erkak xotini va qaynotasini pichoqlab o`ldirdi (video)

Farg`ona viloyatida dahshatli qotillik yuz berdi. Bu haqda "Millar" dasturida xabar qilindi.

Ma`lum qilinishicha, erkak o`zining xotini va qanotasini vahshiylarcha pichoqlab o`ldirgan. Bunga sabab oilaviy kelishmovchilik bo`lgan. Marhumaning turmushga chiqqaniga etti yil bo`lgan bo`lib, ikki farzandi bor, o`tgan davr davomida erkak tomonidan doimiy kaltaklanib kelingan. Yaqinlarining aytishicha, ayol hatto kaltak zarbidan ko`zi ko`rmay qolayotganidakn ham shikoyat qilgan. Qotillik yuz bergan kuni marhuma o`z ota-onasi uyida bo`lgan. Yarim tunda erkak hovliga kirgan, buni marhumaning onasi ko`radi va turmush o`rtog`ini uyg`otadi. Biroq ota o`zini o`ngarishga ham ulgurmasdan kuyov unga ketma-ket pichoq sanchadi. Yordamga kelgan qizini ham pichoqlaydi. Kuyovning qaynonasi bu paytda odamlardan yordam so`rab ko`chaga chopadi. Erkak xotini va qanotasining qotiliga aylanadi. 

Holat yuzasidan shu kunning o`zida Buvayda tumani prokuraturasi tomonidan Jinoyat kodeksining 97-moddasi (Qasddan odam o`ldirish) bilan jinoyat ishi qo`zg`atilgan. Gumonlanuvchi ushlanib, unga nisbatan qamoqqa olish ehtiyot chorasi qo`llanilgan.