Afg`oniston milliy elektr kompaniyasi O`zbekistondan elektr energiyasi etkazib berish ikki baravar qisqarganini ma`lum qildi. Bu haqda Hasht-e Subh Daily xabar berdi.
DABS ma`lumotlariga ko`ra, eksportning kamaygani O`zbekistondagi energetika infratuzilmasini ta`mirlash ishlari bilan bog`liq. Balx, Samangon, Bag`lon, Parvon, Kapisa, Panjsher, Kobul, Nangarhor, Lag`mon, G`azni, Maydon-Vardak, Logar, Paktiyo va Xost viloyatlari aholisi elektr ta`minoti muddatlari qisqarishi haqida ogohlantirilgan.
“Bugun (23 noyabr) elektr energiyasini etkazib berish normal holatga qaytishi kerak”, — deyiladi xabarda.
