Bugun, Qatar yashil maydonlarida bo`lib o`tayotgan Osiyo chempionati "V" guruhi 3-turida O`zbekiston MTJ Avstraliya terma jamoasiga qarshi bahs olib bordi.
Uchrashuvning 45+1 daqiqasida Avstraliya terma jamoasi penaltidan hisobni ochdi. Gol muallifi — Boyl.
60 daqiqada Umar Eshmurodov hisobni tenglashtirgandi. Biroq ushbu vaziyatda himoyachi ofsaydda qolgan deb topildi va gol inobatga olinmadi.
Uchrashuvning 79 daqiqasida esa O`zbekiston o`z tarixida ilk bor Avstraliyaga gol urdi. Jaloliddin Masharipov oshirib bergan to`pni Aziz Turg`unboev boshi bilan Avstraliya darvozasiga joylab qo`ydi. Shu tariqa uchrashuv 1:1 hisobi bilan yakunlandi.
Endi O`zbekiston terma jamoasi F guruhidagi ikkinchi o`rinni olgan jamoaga qarshi o`ynaydi.
Eslatib o`tamiz, O`zbekiston MTJ Avstraliya milliy terma jamoasi bilan 4 marotaba to`qnash kelgan va barcha o`yinlarda Avstraliya MTJning qo`li baland kelgan edi.