Osiyo kubogi-2023 nimchorakfinali doirasida O`zbekiston milliy jamoasi Tailandni mag`lub etib, chorakfinalga yo`llanma olgan 5-jamoaga aylandi.
Uchrashuvnining 37-daqiqasida Azizbek Turg`unboev raqib darvozasiga gol kiritdi – 1:0. Bu Azizbekning turnirdagi ikkinchi goli bo`lib, Tailandning Qatarda o`tkazib yuborgan ilk goliga aylandi.
Ikkinchi bo`limning 59-daqiqasida esa hisob tenglashdi. Supachokning jarima maydoni tashqarisidan yo`llagan zarbasini O`tkir Yusupov qaytara olmadi – 1:1.
65-daqiqada Abbosbek Fayzullaev jarima maydoni tashqarisidan raqib darvozasining uzoq burchagiga yo`lladi – 2:1.
Shu tariqa, O`zbekiston milliy jamoasi g`alabaga erishib, chorakfinalga yo`llanma olgan 5-jamoaga aylandi. Bungacha Avstraliya, Tojikiston, Iordaniya va Qatar 1/4 finalga yo`l olgandi. O`zbekiston keyingi bosqichda mezbon Qatarga qarshi maydonga tushadi. O`yin 3 fevral kuni bo`lib o`tadi.
