O`zbekiston tashqi ishlar vaziri Baxtiyor Saidov bugun Kanada elchisi etib tayinlangan (qarorgohi Ostona shahrida) Alan Hemsondan ishonch yorliqlari nusxalarini qabul qilib oldi, deb xabar bermoqda «Dunyo» AA.
«Kanadaning O`zbekistondagi Elchisi etib tayinlangan Alan Hemson janoblari bilan uchrashish va uning ishonch yorliqlari nusxalarini qabul qilishdan mamnunmiz, - deb yozdi O`zbekiston TIV rahbari o`zining telegram kanalida. - Janob Hemsonning mintaqamiz bo`yicha boy tajriba va bilimga egaligini qadrlaymiz. O`zbekiston Tashqi ishlar vazirligi janob Elchining O`zbekiston-Kanada ikki tomonlama munosabatlarida foydalanilmagan ulkan salohiyatni ro`yobga chiqarishga hissa qo`shish borasidagi sa`y-harakatlarini qo`llab-quvvatlashga tayyor».
Alan Hemson 2021-2024 yillarda O`zbekistondagi elchi lavozimida akkreditasiyadan o`tgan (qarorgohi Moskva shahrida) Elison Meri Lekler o`rniga tayinlandi.