O`zbekistonning yangi tayinlangan Favqulodda va Muxtor Elchisi Ashraf Xodjaev Qatar poytaxtiga tashrif buyurdi, deb xabar bermoqda “Dunyo”.
Doxaga tayinlanishidan oldin u TIVning Iqtisodiy diplomatiya departamenti direktori lavozimida ishlab kelayotgan edi.
43 yoshli diplomat Toshkent davlat sharqshunoslik instituti, O`zbekiston Milliy universiteti, Pekin universitetini tamomlagan. Iqtisodiyot fanlari nomzodi (PhD) ilmiy darajasiga ega.
TIV tizimidagi faoliyatini 2005 yilda referent sifatida boshlagan. O`tgan yillar davomda u vazirlik markaziy apparatida, shuningdek, Nyu-York shahridagi O`zbekistonning BMTdagi doimiy vakolatxonasida va Buyuk Britaniyadagi elchixonada turli lavozimlarda ishlagan.
2018 yildan e`tiboran Tashqi ishlar vazirligining Iqtisodiy diplomatiya departamenti boshqarma, bosh boshqarma boshlig`i va direktori bo`lib faoliyat olib borgan.
Ashraf Xodjaev O`zbekistonning Qatardagi qarorgohi Doxada bo`lgan birinchi elchisidir.