Dzyudo bo`yicha O`zbekiston terma jamoasi Toshkent “Katta dubulg`a” turnirida 6 ta medal qo`lga kiritidi. Bu haqda Sport vazirligi xabar qildi.
Ma`lum qilinishicha, dunyoning 68 mamlakatidan 500 nafarga yaqin sportchi ishtirokida kechgan musobaqada hamyurtlarimiz 2 ta oltin, 1 ta kumush va 3 ta bronza, jami 6 ta medalga sazovor bo`lishdi. Bu natija bilan dzyudochilarimiz Fransiya va Yaponiyadan keyin umumjamoa hisobida uchinchi o`rinni qo`lga kiritdilar. Musobaqa qahramonlari:
Oltin medal:
-60 kg: Doston Ro`ziev
-100 kg: Muzaffarbek To`raboev
Kumush medal:
-52 kg: Gulhayo Jo`raeva
Bronza medal:
-73 kg: Shahram Ahadov
-73 kg: Obidxon No`monov
-90 kg: Davlat Bobonov
