Qashqadaryo viloyati Shahrisabz shahrida fuqaro farzandi vafot etganini aytgan shifokorni urdi. Bu haqda “Millar” ko`rsatuvida ma`lum qilindi.
Videoda aytilishicha, 2 yoshli bola divandan yiqilib tushib, Shahrisabz shahri bolalar shifoxonasiga yotqizilgan. Bolaning bosh miyasiga qon quyilgani sababli reanimasiya bo`limiga o`tkazilib, sun`iy nafas apparatiga ulangan.
Shifokorlar uning ahvoli haqida ota-onasiga axborot berib turgan. 17 aprel kuni ahvoli og`irligi sabab bolada biologik o`lim kuzatilgan. Buni eshitgan bolaning otasi esa shifokorni urgan.
“Otasiga aytganimdan keyin, otasi to`g`ridan-to`g`ri yuzimga musht bilan urdi. Xushimni yo`qotdim, qolganini to`liq eslolmayman”, — deydi 47 yoshli jarrohlik bo`limi boshlig`i.
Shifokorga kallamiyaning yopiq shikasti, boshmiya chayqalishi, chap ko`z qovoqlari yumshoq to`qimalarining lat eyishi tashxisi qo`yilgan. U hozirda qo`shma shikastlanish va o`tkir qon-tomir kasalliklari markazida davolanmoqda.
“Mening bolam o`lganini aytmay turib ular o`zlari boshladi muammoni. Erim asabiylashib bir musht urib yubordi, boshqa kuch ishlatganlari yo`q, faqat ko`tara olmadilar”, — dedi bolaning onasi va shifokordan “to`g`ri tushunish”ni so`radi.
Kaltaklangan shifokor farzandini yo`qotgan ota-onaga hozir juda qiyin ekani bois holat bo`yicha huquqni muhofaza qilish organlariga murojaat qilmaganini aytgan.
Shu sababli tekshiruv harakatlari boshlanmagan, ammo holat Qashqadaryo viloyati IIBning qattiq nazorati ostida, deyiladi xabarda.
10.05.2024, 17:19
Qashqadaryo viloyatida "Yashil makon" umummilliy loyihasi doirasida ekilgan daraxt ko`chatlari orasiga qo`ylarni haydagan fuqaro jarimaga tortildi. Bu haqda Ekologiya, atrof-muhitni muhofaza qilish va iqlim o`zgarishi...
10.05.2024, 14:25
Ma`lum qilinishicha, MIBning Kasbi tuman bo`limi xodimlari tomonidan ijro hujjatiga asosan fuqaro D.P.ning 41 mln 660 ming soliq, davlat boji va ma`muriy jarimalarini undirish yuzasidan...
22.04.2024, 16:38
Qashqadaryodagi alkagol mahsulotlari ishlab chiqarayotgan yashirin sex faoliyatiga chek qo`yildi. Bu haqda viloyat IIB xabar berdi. Qashqadaryo viloyat ichki ishlar boshqarmasi Tezkor qidiruv xizmati Jinoyat qidiruv...
29.11.2022, 18:48
Ijtimoiy tarmoqlarda “Qashqadaryoda 3 kunlik firma jami 2.601.000.000 so`mlik issiqxonalar o`rnatishni yutib oldi” sarlavhasi ostida xabarlar tarqaldi. Holatga Monopoliyaga qarshi kurashish qo`mitasi munosabat bildirdi. Ma`lum qilinishicha,...
