Xorazmda bo`lib o`tayotgan “Kinokarvon” tadbirlari doirasida Urganch shahridagi Xudoybergan Devonov nomidagi kinoteatrda “O`zbek qizi” filmi tomoshabinlar e`tiboriga havola qilindi. Bu haqda Kinematografiya agentligi Axborot xizmati xabar qildi.
Shuningdek, 300 nafardan iborat harbiylar, ularning oila a`zolari va talaba yoshlar bilan ijodiy uchrashuv tashkil etildi.
Tadbirlar doirasida ijodiy jamoa Urganchdagi Jaloliddin Manguberdi harbiy-akademik liseyida, Xorazmning Yangibozor, Qo`shko`pir va Xiva tumanlaridagi madaniyat markazlarida aholi bilan ijodiy uchrashuvlar o`tkazdi va milliy filmlar namoyishi bo`lib o`tdi.
Kinematografiya agentligi hamda Respublika Ma`naviyat va ma`rifat markazi hamkorligida o`tkazilayotgan “Kinokarvon” bundan oldin Farg`ona va Sirdaryo viloyatlarida bo`ldi. Aksiya butun respublika bo`ylab o`tkazilishi rejalashtirilgan bo`lib, qolgan viloyatlarda ham ijodiy safarlarini davom ettirishi ko`zda tutilgan.