Aliment to`lovidan qochib yashirinib yurgan andijonlik ota G`azalkentdan topildi.
Xo`jaobod tumanlararo sudi buyrug`iga asosan undiruvchi Sh.E. foydasiga qarzdor Q.E.dan uch nafar voyaga etmagan farzdalari ta`minoti uchun aliment undirilishi belgilangan.
Biroq, qarzdor shta davlat ijrochilari tomonidan bir necha bor ogohlantirilishiga qaramay 20, 2 mln. so`m aliment qarzdorligini to`lashdan qasddan bo`yin tovlaganligi sababli, unga nisbatan jinoyat ishlari bo`yicha Marhamat tuman sudi tomonidana15 sutka ma`muriy qamoq jazosi tayinlangan.
Qarzdor qamoqdan ham xulosa chiqarmasdan yana 9 mln. so`mdan ziyod aliment qarzini to`lamasdan kelgan.
Shunga ko`ra, MIBning Buloqboshi tuman bo`limi tomonidan qarzdor Q.E.ga nisbatan Jinoyat kodeksining tegishli moddasiga binoan jinoyat ishi qo`zg`atilgan.
Qarzdor surishtiruv-tergov harakatlaridan qochib yashirinib yurganligi sababli, boshqarmaning qidiruv sho``basi tomonidan qidiruv harakatlariga kirishilgan.
Qidiruv tadbirlari davomida, dastlab qarzdor Q.E. Toshkent shahrining Yashnobod tumanidagi qurilish korxonasida ishlashi ma`lum bo`lgan. Biroq, mazkur manzilga borilganda qarzdor Toshkent viloyati, Bo`stonliq tumani, G`azalkent shaharchasidagi tosh saralash korxonasida ishlashi aniqlangan.
Tezkor qidiruv tadbirlari samarali yakunlanib, qarzdor Q.E. yuqorida qayd etilgan manzildan topildi va Andijon viloyatiga olib kelindi.
Surishtiruv ishlari davomida aliment to`lashdan yashirinib yurgan ota alimentdan bo`lgan 9,1 mln. so`m qarzini to`liq to`ladi.