Poytaxtdagi 30, 95, 110 va 129-sonli avtobuslarning harakat yo`nalishi o`zgardi. Yo`lovchilarning murojaatlariga asosan 72 sonli avtobus yo`nalishining ish boshlash vaqti soat 5:30 dan 5:00 ga uzaytirildi. Bu haqda “Toshshahartransxizmat” AJ Axborot xizmati xabar berdi.
Toshkent shahridagi Ohangaron yo`li ko`chasidan Parkent ko`chasiga o`tish uchun er sathi bo`ylab Temur Malik ko`chasida tashkil etilgan ortga burilib olish joyi yopilganligi munosabati bilan, 2024 yil 9 may kunidan boshlab, 30, 95, 110 va 129-sonli avtobus yo`nalishlarining to`g`ri yo`nalishdagi shaharning markaziy qismlari tomon harakati, Ohangaron yo`li ko`chasidan T.Malik ko`chasiga kirmasdan, Parkent ko`chasi orqali uch qavatli yo`l o`tkazgichning tonnel qismi orqali o`zgartirildi.
