1. Hayotingizdan ma`no qidirmaysiz, chunki bu ma`no qo`chog`ingizda yotibdi, yoki atrofingizda aylanmoqda, yoki “oyi”, deya sizni chorlamoqda. Boshingiz aylanib ketdimi? Baxtdan ham odamning boshi aylanadi, bilsangiz.
2. Oilada endi kim bosh ekanligi sizga va eringizga ham ma`lum. Kuningizni jajji “rahbaringiz”ning kun tartibiga ko`ra rejalashtirasiz. Bunga esa hech kim qarshilik bildirmaydi!
3. Har qanday ko`rinishda, semiz yoki oriq bo`lsangiz ham shirintoyingiz uchun dunyodagi eng go`zal ONAsiz.
4. Shirintoyingiz uxladi, endi siz erkin qushsiz. Istasangiz ovqat pishirasiz, istasangiz kir yuvasiz va hatto uy yig`ishtirishingiz mumkin. Bu ishlar sizga xuddi maroqli hordiqdek tuyuladi.
5. Ha, aytgancha, hamma yotgan holda uxlasa, siz tik turgan holda ham uxlay olasiz. Shuningdek, siz 5-10 soniyada ovqat eyishga ham ulgurasiz.
6. Sizni olamning global muammolari emas, “osmonning qaerda tugashi” va “quyoshning nima uchun botishi”, “turmush o`rtog`ingiz bilan to`yingizda shirintoyingiz qaerda bo`lganligi” va “bolalar qaerdan tug`ilishi” haqida savollar ko`proq qiziqtiradi.
7. Ishlaysizmi, degan savolga: — Ha, har kuni, kuniga 24 soat davomida: enaga, oshpaz, farrosh, o`qituvchi, murabbiy, shifokor, quruvchi, qo`riqlovchi, suratkash, raqs tushuvchi bo`lib ishlayman. Ishimni sevaman, shuning uchun mehnat ta`tili olmayman. Oylik maoshim hammanikidan ko`p – sevgi to`la o`pichlar va mehr to`la jajji qo`llar! Axir men ONAman, deya olasiz!
8. Do`konlarga kirish bo`yicha alohida qoidalaringiz mavjud. Asosiysi, har gal shu va`daga aldanishingizga qaramay, bolangizdan 2-3 marotaba: hech narsa so`ramayman, deyishini talab qilasiz. Do`kondan bola o`yinchoq, siz esa jahl bilan chiqasiz-u, doimgidek: “Ikkinchi marta seni biror joyga olib bormayman!” deya o`zingizga va`da berasiz.
9. Bolalar kasalliklari bo`yicha ilmiy ish yozishingiz mumkin. Bu ilmiy ish “Bolaning bemorligini ko`zidan bilish mumkin”, degan yozuvlar bilan boshlansa, ajab emas.
10. Har qancha charchagan bo`lsangiz-da, tunni uyqusiz, kunduzni yuz marotaba takrorlangan bir savolga javob berib o`tkazangiz ham, dilbandingizning “oyijon”, degan yig`isi sizni o`rningizdan sapchitishga qodir.
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...13.12.2019, 10:00
Joriy yilning 5 dekabr kuni soat 13:00larda Navoiy shahrida yashovchi, 1974 yilda tug`ilgan L.A. ismli ayolning uyiga tanishlari mehmonga keladi.Ulardan biri 1972 yilda tug`ilgan D.K....