Olimpiada mash`alasi tarixda birinchi marta fazoga olib chiqildi. Afsonaviy qush pati ko`rinishidagi mash`alani XKS bortidan rossiyalik kosmonavtlar fazoga olib chiqdi.
Stansiyaning ichida esa o`ziga xos sport estafetasi o`tkazildi, unda mash`ala stansiyaning barcha ichki xonalari orqali olib o`tildi. Shundan so`ng Oleg Kotov va Sergey Ryazanskiylar mash`ala bilan birga ochiq kosmosga chiqdi. Xalqaro stansiya borti tashqarisidagi ish taxminan bir soat davom etdi. Stansiya qoplamasiga o`rnatilgan kamera kosmonavtlar Sochi Olimpiadasi ramzini qanday qilib bir-biriga berayotganini va erliklarni qutlayotganini suratga oldi.
Eslatib o`tamiz, Qishki Olimpiada o`yinlari 2014 yil 7-23 fevral kunlari Rossiyaning Sochi shahrida bo`lib o`tadi.
