Koreya Respublikasi Prezidentining “Chong Va De” (“Moviy saroy”) qarorgohida O`zbekiston Respublikasi Prezidenti Shavkat Mirziyoevni rasmiy kutib olish marosimi bo`lib o`tgandan so`ng ikki davlat rahbari tor doiradagi muzokarada o`zaro hamkorlikni yanada rivojlantirishning uzoq istiqbolga mo`ljallangan ustuvor yo`nalishlari, tomonlarni qiziqtirgan dolzarb mintaqaviy va xalqaro masalalar yuzasidan atroflicha fikr almashdi.
O`zbekiston Respublikasi Prezidenti Shavkat Mirziyoev va Koreya Respublikasi Prezidenti Mun Chje In davlatlar o`rtasida strategik sheriklik munosabatlarini har tomonlama chuqurlashtirish to`g`risida Qo`shma bayonotni imzoladilar.
