O`zbekiston Respublikasi Prezidentining Koreya Respublikasiga davlat tashrifi doirasida bugun davlatimiz rahbari Shavkat Mirziyoev ushbu mamlakat Milliy Assambleyasiga tashrif buyurib, Milliy assambleya Spikeri Chon Se Gun bilan uchrashdi.
Milliy Assambleyaga tashrifi chog`ida Prezident Mirziyoev Faxriy mehmonlar kitobida esdalik yozuvini qoldirdi.
E`tiboringizga ushbu esdalik yozuvining to`liq matnini havola etamiz:
"Koreya tuprog`iga samimiy mehmondo`stlik va an`anaviy samimiy qabul uchun minnatdorchilik izhor etaman. Koreya Respublikasi Milliy Assambleyasi deputatlariga mamlakat rivoji va xalq farovonligi yo`lida olib borayotgan qonunchilik faoliyatlarida samara va yangi muvaffaqiyatlar tilab qolaman.
O`zbekiston Respublikasi Prezidenti Shavkat Mirziyoev".
