МегаФон ва USM Telecom Ўзбекистон бозорига кирмоқда.
«USM Telecom» ва МегаФон ўзбекистонлик ҳамкорлар билан биргаликда янги қўшма корхона – Digital Holding’ни ташкил этишди.
Маълум қилинишича, янги корхона таркибидан Ucell компанияси ҳамда USM’нинг Ўзбекистондаги активлари – CRPT Turon ва ICS Holding Uzbekistan ўрин олди.
Ўзбекистон хукумати Давлат активларини бошқариш агентлиги (ДАБА) орқали корхонага Ucell телеком-операторининг 100% улушини топширмоқда. Россия томони Digital Holding ривожланиши учун 100 млн доллар миқдорида инвестиция, шу билан бирга USM’нинг шўъба корхоналари – CRPT Turon ва ICS Holding Uzbekistan'ни киритмоқда.
Янги корхонада МегаФон ва USM Telecom тенг улуш билан ташкил этган «Digital Invest» компаниясининг улуши 51%, ДАБА улуши 49%га тенг.
Хабарга кўра, битим доирасидаги жараёнлар 2021 йил давомида якунига етади.
