Яқинда актрисалар Жамила Ғофурова ҳамда Ойдин Юсупова бир сайт лойиҳаси учун хорижлик хонандалар Шакира ва Бейонсенинг “Beautiful Liar” номли қўшиғига ишланган клипга тақлид қилган ҳолда суратга тушишгани ҳақида хабар бергандик.
Актрисалар хорижлик хонандаларнинг клипдаги ҳаракатларини қўллаган ҳолда рақс тушиб, фонограммага мос тарзда лаб қимирлатиб туришган. Ҳеч кимга сир эмас, хориж санъаткорларининг кийиниш маданияти, клипдаги ҳаракатлари ўзбек маданиятига тўғри келмайди. Шу маънода кўпчилик мухлислар ўзбек актрисаларининг бу ҳаракатини оқламаган бўлса, аксарият мухлислар “актриса-ку, тақлидчилик маҳоратини синаб кўришнинг нимаси ёмон?” дегандек фикрлар билдиришган. Биз эса актрисаларнинг ўзи билан боғланишга қарор қилдик.
— Шакира ва Бейонсенинг клипига тақлид қилиш таклифига рози бўлишингизга нима сабаб бўлди?
Жамила Ғофурова, актриса: — Ижодкор сифатида ўзимга бўлган ишончни текшириш. Бу лойиҳада бошқа санъаткорлар ҳам иштирок этишган.
— Лекин айнан Ойдин Юсупова иккингизнинг иштирокингиздаги “клип” муҳокамаларга сабаб бўлди!
Ж.Ғ.: — Тўғри. Очиғи, бундай шов-шувларга сабаб бўлади, деб ўйламагандим. Яқинда ижтимоий тармоқлардаги муҳокамаларни кўриб, аввалига гап нима ҳақдалигини тушунолмадим. Ҳатто бу лойиҳада иштирок этганимиз ёдимдан ҳам кўтарилган экан. Мазкур лойиҳадан асосий мақсад бир келин-кўйлаклар салонидаги либосларни реклама қилиш бўлган.
— Кўйлак жуда очиқ эмасмиди?
Ж.Ғ.: — Йўқ, кўйлакда тана рангидаги мато ишлатилгани учун очиқдек туюлган бўлиши мумкин. Либос қоматга мос тикилгани боис кўзга яққол ташланган, холос. Клипда кийимсиз чиққаним йўқ-ку. Аёллар шу кўйлакни тўй-ҳашамга кийиб боришса, шов-шув бўлмайди-ку?!
— Тўйда улар бундай эҳтиросли ҳаракатлар қилмайди-да! Хориж хонандаларининг ҳаракатларини бажариш ўзингизга эриш туюлмадими?
Ж.Ғ.: — Мен актрисаман, юклатилган вазифани аъло даражада бажариб бериш бу — касбим тақозоси. Қолаверса, эҳтиросимни кўрсата оладиган актрисаман. Мухлисларим нега ҳайратланишди ҳайронман. Ахир рақс тушган ҳолатимдаги фильмларим талайгина-ку?! Маъсума аёл ролларини ўйнаб, бирданига бундай қиёфада чиқаётганим йўқ. Актриса сифатида тақлидчилик борасидаги қирраларимни очишнинг ёмон тарафи йўқ. Баъзи актрисалар “Томошабин ёмон кўриб қолади”, деб бундай лойиҳалардан ўзларини олиб қочишади. Мен эса аксинча, имкониятларимни синаб кўришдан чўчимайман. Қисқаси, клипда меъёр чегарасидан четга чиқмаганман.
Бир ҳолатга тушунмайман: кўпчилик томошабинлар “Ўзбек фильмлари, клипларини кўрмайман, энсам қотади, вақтим зое кетади”, дейди. Хорижлик клипларни ўз талқинимизда ишласак, ўзбек менталитети ёдига тушиб қолади. Шундай томошабинга “Аввал ўзимизнинг ижод маҳсулотларини кўринг!” дегим келади. Бундай томошабин ҳар бир ишдан камчилик топишга ўрганиб қолган.
Актриса Ойдин Юсуповадан ҳам фикр сўрамоқчи эдик, лекин у қўнғироқларимизга жавоб бермади. Лекин инстаграм тармоғига лойиҳадан қўйилган расм остида қизиган баҳсда актриса мухлисларига жавоб қайтарди.
Нима ҳам дердик, “Кимгадир ёқар лола, кимдир атиргул шайдоси”. Ҳамманинг ўз ҳақиқати бор. Биз масалага ойдинлик киритиб, актрисаларнинг фикри билан қизиқдик. Хулоса эса сиздан...
Садоқат АЛЛАБЕРГАНОВА тайёрлади.
20.11.2019, 14:21
“Актрисага шилқимлик қилинган, у эса юриб кетаётган юк машинадан ўзини ташлаган” Қашқадарё ЙҲХБ қўшимча баёнот берди.2019 йил 18 дан 19 ноябрга ўтар кечаси соат 02:20...05.11.2019, 00:13
“Ёлғизлар”, “Кўз ёшим”, “Дард” каби ўн бешдан зиёд фильмлари орқали танилган актёр Шавкат Комилов иштирокида видео тарқалди...Унда актёр, портнёри Азиза Ёқубовани чин маънода ўлдириб қўйишига...21.09.2017, 15:12
Асал Шодиеванинг Инстаграмдаги ижтимоий тармоғида ўзига хос дизайндаги либослар тўплами акс этган суратлар пайдо бўлди. Маълум бўлишича, мазкур либослар актрисанинг ғояси билан яратилган бўлиб, Miel...14.08.2017, 12:34
Актриса Ситора Алимжонова 8 август куни турмушга чиқди. Унинг тўйи Таиланднинг Пхукет оролида бўлиб ўтди.Ситора ўз интервьюларида турмуш ўртоғининг 27 ёшда эканлигини ва у тадбиркорлик...