ММА жангчиси, "Веном" лақабли Магомед Зайналов 10-қаватдан тушиб кетди. Бу ҳақда ММА лигасининг яна бир вакили Эдуард Кузминов хабар берди.
"Бугун эрталаб мен қайғули хабар олдим. Магомед Зайналов 10-қаватдан йиқилиб, ҳозир реанимацияда. 2 феврал куни биз жанг қилишимиз керак эди. Мен бу жангда ғалаба қозонмоқчи эдим. Бироқ энди "Веном" тузалиб кетиши учун ибодат қилмоқчиман"— деди Кузминов ижтимоий тармоқларда.
SHOT Telegram-канали 24 ёшли жангчи йиқилганидан кейинги дастлабки дақиқалар тасвирини эълон қилди.
У машина устига қулагани сабаб тирик қолган. Зайналовнинг йиқилишига мушуги сабабчи бўлиб, жангчи уни қутқаришга ҳаракат қилган. Магомеднинг рафиқасининг сўзларига кўра, улар яқинда ижарага олинган квартирада уй ҳайвонини олишган. Мушук балконга сакраб чиққан ва канализацияга тиқилиб қолган. Зайналов унга қўл чўзиб, тутқични ушлолмай йиқилган. Унинг оёқлари ва тос суяги синган.
Қайд этилишича, Зайналов қулаб тушган Nissan X-Trail автомобили эгаси воқеа суғурта ҳодисаси эмаслиги сабабли уни судга беришни режалаштирган.
Жангчининг менежери Виталий Тарасовнинг айтишича, ҳозирда спортчининг ҳаёти хавф остида эмас.
