Бугунги кунда айрим ижтимоий тармоқларда “Яширин иқтисодиётга қарши курашиш бўйича комплекс чора-тадбирларни амалга ошириш тўғрисида”ги қарор лойиҳаси кенг муҳокама қилинмоқда. Ушу муҳокамаларга Солиқ қўмитаси муносабат билдирди.
Қайд этилишича, Солиқ қўмитаси ҳар бир Солиқ тўловчининг фикр ва мулоҳазаларини ҳурмат қилади!
“Сўнгги вақтларда амалиётда ишлаб турган нормаларга бир неча енгиллик ва ўзгартиришлар киритилганини бунинг далили дейиш мумкин.
Солиқ қўмитаси бундан кейин ҳам Солиқ тўловчиларга хизмат кўрсатишни ўзининг муҳим вазифаси деб ҳисоблайди” , - дейилади муносабатда.
Таъкидланишича, “Яширин иқтисодиётга қарши курашиш бўйича комплекс чора-тадбирларни амалга ошириш тўғрисида”ги қарор лойиҳаси Ҳукуматга киритилишидан олдин амалдаги қонунчиликда белгиланган тартибда regulation.gov.uz портали орқали жамоатчилик фикр-мулоҳозасини ўрганиш ва таклифларини олиш учун кенг жамоатчилик муҳокамасидан ўтказилади.
Жамоатчилик муҳокамалари (тадбиркорлар, фуқаролик жамияти институтлари, олимлар, экспертлар ва мутахассисларнинг маслаҳатлари ҳамда тавсиялари) асосида лойиҳа тўлиқ қайта кўриб чиқилади ва тадбиркорлик фаолиятига салбий таъсир этувчи тартиб-таомиллар ва талаблар бартараф этилгандан сўнг лойиҳа Ҳукуматга кўриб чиқиш учун киритилади.
