Бугун ижтимоий тармоқ фойдаланувчилари интернетга жойланган оқибати ўлим билан якун топган видеони кўриб ларзага келишди.
Видео муаллифи, “Водители Ташкента” гуруҳи фойдаланувчиси томонидан маълум қилинишича, ҳалокат Тошкент кичик ҳалқа йўли бўйлаб, 1-сил касалликлари диспансерининг рўпарасида содир бўлган. Ҳодиса 15.06.2017 йил, маҳаллий вақт билан чамаси 19:00-20:00 содир бўлган.
Ҳайдовчи маҳалладан чиқиб келиб, йўлга югуриб чиққан болани кўрмай қолган ва унинг устидан иккита ғилдираги билан босиб ўтган. Болани дарҳол касалхонага етказишган. Бола комага тушиб, хушига келмай вафот этган.
Ушбу видеони жойлашни жоиз деб топмадик, шунчаки ҳодисани ота-оналар фарзандларига ҳушёр бўлишлари учун батафсил тушунтириб берамиз.
Кузатув камерада каттароқ ёшдаги бола, яъни ҳалок бўлган боланинг акаси, машина йўлига югуриб чиқиб кетаётган кичик укасини кўтариб йўлдан узоқлаштириб олиб кетаётганини кўриш мумкин.
Ака чарчаб, укасини ерга қўяди.
Бола яна акасини қўлини қўйиб юбориб, машина йўл томонга югуриб чиқади.
Ҳаммаси сонияларда содир бўлди. Бола Матиз автомобили ғилдираклари остида қолди.
Шундан сўнг ҳайдовчи болани кўтариб, уни машина салонига солади.
Ҳайдовчининг айбдорлиги ҳақида фикрлар иккига бўлинди: кимдир ҳайдовчи чап томондаги машиналар оқимини кузатгани сабаб болани кўриши мумкин бўлмаган деса, яна кимдир ҳайдовчи икки томонга ҳам бирдай эътибор бериши керак эди дейди.
Аммо юзлаб фикрлар бир жойдан чиқяпти: ота-она болаларни машина йўлида ўзини қандай тутишга ўргатиши ва ёш болаларни ёлғиз қолдирмаслиги керак эди.
Дарҳақиқат, бу бахтсиз ҳодиса барчани ҳушёрликка чорлайди, болани болага ишониб топшириш мумкин эмас. Ота-она бола ва унинг ҳаёти учун жавобгар!
24.05.2024, 15:20
Аввалроқ, ижтимоий тармоқда Тошкент вилоятида тўртта машина иштирокида ЙТҲ содир бўлгани акс этган видео тарқалганди. Вилоят ИИББ ЙҲХБ ҳодиса юзасидан хабар берди.Қайд этилишича, жорий йилнинг 24 май куни соат...
16.05.2024, 13:28
Тошкентда метрополитен ходими пора билан ушланди. У фуқаронинг ишончига кириб, уни ишга жойлаб қўйишни ваъда қилган. Бу ҳақда Тошкент метрополитени матбуот хизмати хабар берди. Маълум қилинишича,...
14.05.2024, 14:15
Жорий йилнинг 13 май куни Тошкент шаҳар жиноят ишлари бўйича Чилонзор туман судида кўчада аёлга шилқимлик қилган йигит бўйича иш кўриб чиқилди. Бу ҳақда darakchi.uz...
08.05.2024, 17:27
Ўзбекистон Жаҳон тиллари университетининг 2 босқич талабаси бўлган 20 ёшли йигит Тошкентдаги Исроил элчихонаси ёнига бориб, уни ёқиб юбориш мақсадида девор оша ичкарига керосин солинган...
