Uzoq vaqt davolanishga muhtoj bolalarga ta`lim berish uchun maktab tanlandi

Jamiyat 19.08.2021, 14:04
Uzoq vaqt davolanishga muhtoj bolalarga ta`lim berish uchun maktab tanlandi

Kecha Xalq ta`limi vazirligida Rossiya Federasiyasining uzoq muddat davolanishga muhtoj bolalar uchun stasionar sharoitida ta`lim berish bilan shug`ullanadigan «Uchim znaem» loyihasi rahbarlari bilan uchrashuv bo`lib o`tdi.

photo2021-08-1913-07-39.jpg

Hukumatning tegishli qarori bilan gematologiya kasalligi bilan davolanayotgan bolalarga uzluksiz ta`lim jarayonlarini tashkil etish vazifasi belgilangan. Bu borada «Zamin» Xalqaro jamoat fondi ko`magida yurtimizda gematologiya va onkologiya kasalligi bilan davolanayotgan bolalar uchun ta`lim jarayonini tashkil etishga yo`naltirilgan «Mehrli maktab» loyihasi amalga oshiriladi.

Loyihani O`zbekistonda muvaffaqiyatli joriy etish maqsadida 7 yildan buyon Rossiya Federasiyasida o`z faoliyatini olib borayotgan «Uchim znaem» loyihasining tajribasi o`rganilib, loyihani yurtimizda amalga oshirish borasida takliflari o`rganildi.

photo2021-08-1913-08-09.jpg

«Mehrli maktab» loyihasini amalga oshirish uchun Respublika ixtisoslashtirilgan gematologiya ilmiy-amaliy markazi yonida joylashgan 182-maktab tanlandi.

Hamkorlar bilan uzoq vaqt davolanishga muhtoj bolalarga ta`lim beradigan pedagoglarni tanlash va ularni malakasini oshirish, o`quv reja va dasturlarni ishlab chiqishda hamkorlik qilinadi.

Respublika ixtisoslashtirilgan gematologiya ilmiy-amaliy tibbiyot markazida davolanayotgan bolalarga uzluksiz ta`lim jarayonlari 2022 yildan yo`lga qo`yiladi.

 

Sharhlar

Ob-havo: Toshkent
Valyuta kursi
1