Evroosiyo Iqtisodiy Komissiyasi kengashining 2020 yil 1 aprelda qabul qilingan ayrim sabzavot va don mahsulotlariga import bojlarini olib tashlash to`g`risidagi qarori 18 apreldan kuchga kirgan.
Boj olinmaydigan mahsulotlar ro`yxatiga kartoshka, sabzi, karam, piyoz, sarimsoq, qalampir, grechka, uzun donli guruch, javdar, bolalar uchun tayyor ozuqalar, shuningdek ona suti o`rnini bosuvchi mahsulotlar va sharbatlar ishlab chiqarish uchun xom ashyolar kiradi.
Ushbu mahsulotlar 2020 yil 30 iyungacha EOII mamlakatlari Bojxona ittifoqining yagona bojxona hududiga olib kirilganda bojxona to`lovlaridan ozod qilinadi.
Avvalroq, Evroosiyo Iqtisodiy komissiyasi kengashi COVID -19 pandemiyasini hisobga olgan holda, piyoz, sarimsoq, sholg`om, javdar, guruch, grechka, tariq, yorma singari mahsulotlarni EOIIdan olib chiqishni taqiqlashga qaror qilgani e`lon qilingan edi. "Taqiqlovning kiritilishi sanitariya-epidemiologik vaziyat yomonlashgan davrda mahsulotlarni aholiga etarli miqdorda ta`minlanishiga imkon beradi", deyilgandi shu haqdagi xabarlarda.
Ma`lumot o`rnida,mamlakatimizda 2020 yilning 31 dekabriga qadar zarur oziq-ovqat va tibbiy-gigienik vositalar importi nol qiymatda soliqqa tortiladi.
