Halqimiz orasida Botir Zokirov o`zining betakror ovozi hamda go`zal qo`shiqlari bilan afsonaviy san`atkor sifatida e`tirof etilgan.
Uning ijrosidagi “Ra`no”, “Majnun monologi”, “Yor kel”, “Arabcha tango”, “Seni eslayman”, “Qaydasan” va boshqa ko`plab qo`shiqlari o`zbek san`ati oltin fondidan joy olgan.
O`zbek qo`shiqchilik san`atida o`chmas iz qoldirgan Botir Zokirov 1936 yilda tug`ilgan. Toshkent Davlat konservatoriyasida, Toshkent Davlat teatr va rassomchilik institutida tahsil olgan. “Yoshlik” ansambli va O`zbek Davlat estrada orkestrining yakkaxon xonandasi sifatida faoliyat olib borgan.
Botir Zokirov nafaqat xushovoz xonanda, balki mahoratli rassom, yozuvchi va tarjimon ham bo`lgan. 1985 yilning 23 yanvarida vafot etgan. Vafotidan so`ng 2000 yilda “Buyuk xizmatlari uchun” ordeni bilan taqdirlangan.