BLUESTONE investisiya banki O`zbekistonda o`z faoliyatini olib borish uchun lisenziyalar oldi. Bu haqda Kapital bozori agentligi xabar qildi.
O`zbekiston Respublikasi Kapital bozorini rivojlantirish agentligi Amerikaning “BLUESTONE FINANCIAL GROUP INC.” moliyaviy kompaniyasiga qimmatli qog`ozlar bozorida investisiya vositachisi, investisiya maslahatchisi va investisiya aktivlarining ishonchli boshqaruvchisi sifatida professional faoliyatlarni amalga oshirishi uchun lisenziyalar berdi.
Mazkur lisenziyalar BLUESTONE investisiya bankining O`zbekistondagi faoliyatini to`liq tartibga soladi, deyiladi xabarda.
