Pandemiya davrida Respublika maxsus komissiyasi qarori bilan vaqtinchalik chora sifatida pensiya va nafaqa pullari plastik kartalarga o`tkazilayotgan edi.
O`zbekiston Respublikasi Prezidenti Shavkat Mirziyoev topshirig`i bilan ayrim pensionerlarimizning e`tirozlari hisobga olinib, ushbu tartib bekor qilindi. Endilikda AT Xalq bankining avvalgi amal qilib kelingan pensiya tarqatish tizimi, ya`ni bank sayyor kassalari orqali karantin talablariga qat`iy rioya qilingan holda pensiya va nafaqa mablag`lari sterillangan naqd pul ko`rinishida fuqarolarimizning yashash manzillariga etkazib beriladi. Bu haqda Xalq banki Axborot xizmati xabar berdi.
"Pensiya va nafaqa bilan bog`liq savollaringiz bo`lsa, kechayu kunduz tartibda ishlayotgan 11-06 yoki (71) 210-20-02 “Ishonch telefonlari”ga qo`ng`iroq qilishingiz mumkin.
Hurmatli fuqarolar! Karantin davrida ko`chaga chiqmang va biz sizning pensiya va nafaqa pullaringizni belgilangan grafik muddatlaridan kechiktirmagan holda uyingizga etkazib beramiz!" deyiladi xabarda.
