15–16 ноябрь кунлари Тошкент шаҳрида Ўзбекистон Президенти Шавкат Мирзиёев раислигида Марказий Осиё давлатлари раҳбарларининг еттинчи Маслаҳат учрашуви ўтказилади.
Саммитда Озарбайжон Президенти Илҳом Алиев, Туркманистон Президенти Сердар Бердимуҳамедов, Тожикистон Президенти Эмомали Раҳмон, Қирғизистон Президенти Садир Жапаров, Қозоғистон Президенти Қасим-Жомарт Тоқаев ҳамда БМТнинг Марказий Осиё учун превентив дипломатия бўйича минтақавий маркази раҳбари Каха Имнадзе иштирок этади.
Учрашув кун тартибида минтақавий ҳамкорликни чуқурлаштириш, устувор йўналишларда қўшма ташаббус ва лойиҳаларни амалга ошириш масалалари муҳокама қилинади. Шунингдек, минтақавий ва халқаро сиёсатдаги долзарб масалалар юзасидан фикр алмашилади.
Саммит якунларида кўп томонлама ҳужжатларнинг салмоқли тўплами қабул қилиниши кутилмоқда. Ўзбекистоннинг ушбу форматдаги раислиги давомида ҳамкорликнинг турли соҳаларини қамраб олган 20 дан ортиқ тадбир ўтказилган.
