Бугун 16 апрель Ўзбекистон халқ артисти Фаррух Зокиров туғилган кун. Суйикли санъаткоримизни барча шогирд ва ҳамкасблари табрикламоқда.
Эслатиб ўтамиз, Фаррух Зокиров айни пайтда “Ўзбекистон халқ артистлари клуби” раисидир.
Фаррух Зокиров ўзбек миллий эстрада қўшиқчилик санъати ривожидаги хизматлари беқиёс. Буни “Ялла” ансамблининг бугун “афсонавий” дея эътироф этилиши-ю, унинг дунё узра донг таратганини мисол қилишнинг ўзи кифоя. Санъаткор куйлаган қўшиқлар эса қадрдон қўшиқлар сифатида йиллар ўтса-да, мухлислар тилидан тушмайди. Санъатдаги мана шу бахт ва ижодий жўшқинлик уни ҳеч қачон тарк этмаслигини тилаб қоламиз!
