Россия буғдойининг экспорт нархлари тушиб кетди

ИҚТИСОДИЁТ 29.04.2020, 00:14
Россия буғдойининг экспорт нархлари тушиб кетди

12,5 фоиз оқсил бўлган Россия буғдойининг бир тонна нархи ўтган ҳафтада 222 долларга тушиб кетди, бир ҳафта олдин унинг қиймати 232 долларни ташкил этган эди. Бу ҳақда "Рейтер" агентлигига таяниб, "Ўзбекозиқовқатхолдинг" хабар қилди.

Таҳлилчилар маълумотига кўра, жорий йилнинг май-июнь ойларида Россия Федерацияси қарийб 3 миллион тонна дон экспорт қилади.

Мамлакат Қишлоқ хўжалиги вазирлиги иккинчи чоракда донли  маҳсулотлари экспорти учун квота тўлиқ танланганлигини маълум  қилган. Аммо Россия  квота бўйича эълон қилинган барча товарлар экспорт қилинганидан кейингина чет элга этказиб беришни тўхтатади.

Маркетинг мавсуми бошидан то 23 апрелгача Россия 34,1 миллион тонна донли  маҳсулотларни экспорт қилишга улгурган, бу ўтган йилнинг шу даврига нисбатан 12 фоизга кам дегани. Хусусан, буғдой экспорти  29,2 миллион тонна  (ўтган йилга нисбатан 10 фоизга кам), арпа   2,66 миллион тонна (35 фоизга кам), маккажўхори  2,21 миллион тонна (2 фоизга кўпроқ)ни ташкил қилган.

Қайд этилишича, Россия ички бозорида буғдой, ўсимлик ёғи нархлари ошган, шакар нархи эса тушган.

Шарҳлар

Об-ҳаво: Тошкент
Валюта курси
1