Германия канцлери Ангела Меркель мамлакатдаги коронавирус пандемияси билан боғлиқ вазиятни, унинг бошланғич босқичини кўрсатиб берди. Унинг сўзларини ТАСС иқтибос келтирган.
“Биз ҳали ҳам пандемия бошланишида яшаяпмиз. Бизда эмлашлар ҳам, дори-дармонлар ҳам йўқ”, деди Германия раҳбари.
Аввалроқ Германия Федерал канцлери идораси раҳбари Хелге Браун коронавирус пандемиясининг 2020 йил охиригача давои этишини башорат қилган эди. Браун Германия фуқароларини чеклов чораларини етарлича қўллагани учун мақтади. Браун, шунингдек, уларнинг интизоми туфайли инфекциянинг тарқалиш даражаси пасайганини ва қаттиқроқ чеклов талаб қилинмаслигини таъкидлади.
Бунгача Меркель SARS-CoV-2 коронавирус эпидемияси Германия Федератив Республикаси ташкил топганидан буён энг жиддий синов бўлганини таъкидлади.
Сўнгги маълумотларга кўра, Германияда 182 минг киши касалликни юқтирган, 8,4 минг киши вафот этган, 162 минг бемор соғайган.
