Rossiya sog`liqni saqlash vazirligi koronavirusga qarshi yana bir vaksina sinovlari o`tkazilishini ma`qulladi.
Chumakov markazi tomonidan ishlab chiqarilgan mazkur vaksina sinovida uch mingdan ortiq ko`ngillilar ishtirok etadi, deyiladi vazirlikning matbuot xizmati xabarida.
Ta`kidlanishicha, ishtirokchilarning bunday miqdori Jahon sog`liqni saqlash tashkiloti talablariga muvofiq keladi.
Ishlanma mualliflari sinovlarni shu yilning noyabrida yakunlashni mo`ljallagan.
Dori vositasining klinik sinovlari Kirov, Sankt-Peterburg va Novosibirskda o`tkaziladi. Sinov ishtirokchilari vaksinasiyadan so`ng 16 kunlik cheklangan muhitda bo`ladi.
Eslatib o`tamiz, Rossiyadagi “Sputnik V” nomli birinchi vaksina avgustda ro`yxatdan o`tkazilgandi.
