Koronovirus infeksiyasidan saqlanish uchun muntazam burunni tuzli eritma bilan chayish himoyalanishga yordam beradimi?

Ushbu savolga AOKAda o`tkazilgan brifingda ishtirok etgan Koronavirusga qarshi kurash shtabi a`zosi Barno Abdusamatova quyidagi javob berdi:

-- Yo`q. Ushbu kunga qadar burunni tuzli eritma yoki sho`r suv bilan muntazam yuvib turish yangi koronovirus infeksiyasidan himoya qilishga yordam berishi bo`yicha ilmiy dalillar yo`q.  

Ba`zi ma`lumotlarga ko`ra burunni sho`r suv bilan muntazam chayib turish oddiy shamollashda tuzalish jarayonini  tezlashtirishi mumkin.