my5

Toshkent xalqaro aeroportiga xorijiy reys bilan uchib kelgan fuqaroning harakatlari bojxonachilar e`tiborini tortdi...

Jamiyat 26.09.2020, 12:41
1615
Toshkent xalqaro aeroportiga xorijiy reys bilan uchib kelgan fuqaroning harakatlari bojxonachilar e`tiborini tortdi...

Toshkent xalqaro aeroportiga xorijiy reys bilan uchib kelgan fuqaro E.O`.ning xatti-harakatlari bojxonachilar e`tiborini tortdi va ushbu shaxs o`rnatilgan tartibda bojxona ko`rigidan o`tkazildi, deya xabar qildi Davlat Bojxona qo`mitasi Axborot xizmati.

Tekshiruv davomida, yuklar orasida bir qarashda oddiy ko`ringan dazmol zamonaviy skaner qurilmasi yordamida bojxona nazoratidan o`tkazilganda ichida umumiy qiymati 168 million so`mlik 481,5 gramm tilladan yasalgan zargarlik buyumlari borligi aniqlandi.

Hozirda yuqoridagi holat yuzasidan bojxona organlari tomonidan surishtiruv harakatlari olib borilmoqda.

Ma`lumki, O`zbekiston Respublikasi Prezidentining 2018 yil 6 fevraldagi “Jismoniy shaxslar tomonidan bojxona chegarasi orqali tovarlarni olib o`tilishini yanada tartibga solish chora-tadbirlari to`g`risida”gi PQ-3512- sonli qarorida Jismoniy shaxslar tomonidan 65 grammdan ortiq bo`lmagan qimmatbaho metallar va qimmatbaho toshlardan yasalgan zargarlik buyumlarini bojxona to`lovlarisiz olib kirish mumkinligi belgilangan.

Шарҳлар