my5
Sevimli

Instagram’dagi eng ko`p obunachiga ega o`zbek shou-biznesi yulduzlari reytingi e`lon qilindi

Shou-biznes 13.11.2020, 19:55
Instagram’dagi eng ko`p obunachiga ega o`zbek shou-biznesi yulduzlari reytingi e`lon qilindi

Tabloid» nashri Instagram’dagi o`zbek shou-biznesi mashhurlarining obunachilari soni bo`yicha reytingini tuzib chiqdi.

Shahzoda — 4,5 million obunachi

Xonanda Shahzoda Instagram’dagi o`zbek yulduzlari orasida eng taniqli shaxslardan biriga aylangan. U hayotining deyarli 20 yilini san`atga bag`ishlagan. Musiqadan tashqari, filmlarda ham rol o`ynagan. Shuningdek, Shahzoda 2010 yilda «Big Apple Music Awards» taqdimotida Markaziy Osiyo va Kavkazdagi «Eng yaxshi qo`shiqchi» nominasiyasida g`olib bo`lgan.

Munisa Rizaeva — 4,4 million obunachi

Reytingning ikkinchi o`rnidan Munisa Rizaeva joy olgan. Rizaevaning asosiy mashg`uloti — xonandalik, ammo u ba`zida filmlarda ham suratga tushib turadi. U hozirgacha to`qqizta filmda suratga tushgan.

Birinchi tarona 2011 yilda chiqarilgan «Ayrilma yor» qo`shig`i hisoblanadi. 2014 yilda qo`shiqchi «E`tirof» milliy mukofotiga sazovor bo`lgan.

Rayhon G`anieva — 3,7 million obunachi

Keyingi o`rinni xonanda Rayhon egallagan. U ham xuddi Shahzoda singari 20 yildan beri katta sahnada. Ta`kidlash joiz, qo`shiqchi ko`p marotaba «Yilning eng yaxshi xonandasi» mukofotiga sazovor bo`lgan. G`anieva o`zining katta konsert dasturlari bilan ham ajralib turadi.

Zarina Nizomutdinova — 3,6 million obunachi

Zarina musiqachilar oilasida ulg`aygan. U «Yalla» guruhi asoschilaridan biri Shahboz Nizomutdinovning qizi. Aktrisa o`zining debyut rolini 16 yoshida ijro etgan va hozirga qadar u 15 dan ortiq filmlarda rol o`ynagan.

Nizomutdinova, shuningdek, TikTok’da ham faol, tarmoqda uning 27,4 ming obunachisi bor.

Lola — 2,8 million obunachi

Lolaga mashhurlik keltirgan qo`shiq «Muhabbatim» bo`ldi. Xonanda 2005 yilda «Eng yaxshi qo`shiqchi» mukofotiga sazovor bo`lgan. Hozirda Lola uch farzandni voyaga etkazmoqda, u musiqiy karerasini davom ettirgan holda Moskvada rejissyorlik yo`nalishi bo`yicha tahsil olmoqda.

Шарҳлар