my5
Sevimli

Toshkentda O`zbekiston bayrog`i kuniga bag`ishlab yarimmarafon o`tkazildi (foto)

Sport 15.11.2020, 17:44
Toshkentda O`zbekiston bayrog`i kuniga bag`ishlab yarimmarafon o`tkazildi (foto)

Bugun, 15 noyabr kuni Toshkent shahar Ichki ishlar bosh boshqarmasi tomonidan «Bayrog`imiz – faxrimiz, g`ururimiz» shiori ostida yarimmarafon tashkil etildi.

Toshkent shahar hokimligi Matbuot xizmati xabar berishicha, marafon ishtirokchilari Toshkent shahrining Oybek va Nukus ko`chalarida joylashgan «Shox Med Center» klinikasidan «Humo Arena» muz saroyigacha bo`lgan 3 km masofani bosib o`tishgan.

Marafonda erkaklar o`rtasida 1-o`rinni «Asakabank» xodimi Alimardon Sobirov, 2-o`rinni Jahon iqtisodiyoti diplomatiya universiteti qoshidagi lisey o`qituvchisi Sarvar Umirov, 3-o`rinni Toshkent shahar IIBB tezkor vazifalarni bajarish safarbarlik otryadi xodimi Sobir Zokirov egalladi.

Musobaqa yakunida «Humo Arena» sport saroyi oldida bo`lib o`tgan taqdimotda marafon g`oliblariga hamda ayollar o`rtasida o`tkazilgan alohida sovrinli o`rinlar sohibalariga, shuningdek, «Eng yosh ishtirokchi», «Eng keksa ishtirokchi», «Eng faol ishtirokchi» nominasiyalari egalariga mukofotlar topshirildi.


 

Шарҳлар