Samarqandda erkak odamlar oldida xotini va uning o`ynashini pichoqlab o`ldirdi. Mazkur holat aks etgan video kuni kecha ijtimoiy tarmoqlarda tarqaldi.
Xabarlarga ko`ra, 42 yoshli pastdarg`omlik erkak xotinining boshqa erkak bilan ishqiy munosabatlari haqida xabar topgach, ularni kuzatgan. Ular Samarqanddagi Mirzo Ulug`bek ko`chasida joylashgan savdo markaziga kirganda rashkchi er ularni hammaning ko`z o`nggida pichoqlab tashlagan. Natijada jabrlanuvchilar ko`p qon yo`qotishi oqibatida voqea joyida halok bo`lgan.
Ayni paytda Bosh prokuratura Matbuot xizmatining xabar berishicha, holat yuzasidan 2020 yil 20 noyabr kuni Samarqand shahar prokuraturasi tomonidan O`zbekiston Respublikasi Jinoyat kodeksining 97-moddasi (Qasddan odam o`ldirish) 2-qismi "a, g" bandi bilan jinoiy ish qo`zg`atilgan.
Gumonlanuvchi M.A. prosessual tartibda ushlangan. Hozirda ushbu jinoiy ish bo`yicha tergov davom etmoqda.
