my5
Sevimli

Sovuq qurol olib yurish uchun javobgarlik belgilangan kundan boshlab 19 kun ichida Toshkentda 122 ta holat qayd etildi

Jamiyat 26.11.2020, 16:18
Sovuq qurol olib yurish uchun javobgarlik belgilangan kundan boshlab 19 kun ichida Toshkentda 122 ta holat qayd etildi

Joriy yilning 5 noyabr kuni O`zbekiston Respublikasining “Jamoat xavfsizligini ta`minlashga doir qonun hujjatlari yanada takomillashtirilishi munosabati bilan O`zbekiston Respublikasining ayrim qonun hujjatlariga o`zgartish va qo`shimchalar kiritish to`g`risida” Qonuni imzolandi. 

Unga ko`ra O`zbekiston Respublikasi Ma`muriy javobgarlik to`g`risidagi kodeksiga 185-2 va 185-3 moddalari kiritildi. Mazkur moddalar bilan sovuq qurol, yoki sovuq qurol sifatida ishlatilishi mumkin bo`lgan buyumlarni olib yurish va ularning O`zbekiston Respublikasi hududidagi savdosi uchun ma`muriy javobgarlik belgilandi. Ilgariroq Toshkent shahar IIBB sovuq qurol olib yurish uchun javobgarlik yo`qligi muammosini bir necha bor ko`tarib, axborot resurslarida so`rovnomalar o`tkazgan. 

Jamoat joylarida sovuq qurol olib yurish uchun javobgarlikni joriy qilish to`g`risidagi qonun imzolangan kundan boshlab Toshkent shahar IIBB xodimlari tomonidan 122 ta pichoq olib yurish bilan bog`liq faktlar qayd etildi. Bu haqda Toshkent shahar IIBB xabar qilmoqda. 

Shulardan 63 tasi bo`yicha ma`muriy bayonnomalar rasmiylashtirildi. Shulardan 47 tasi bo`yicha 185-2 “ Sovuq qurolni yoki sovuq qurol sifatida foydalanilishi mumkin bo`lgan ashyolarni olib yurish” moddasiga muvofiq, 16 ta bayonnoma – 185-3 “O`zbekiston Respublikasi hududida fuqaroviy va xizmat quroli sifatida muomalada bo`lishi taqiqlangan ashyolarning qonunga xilof ravishda muomalada bo`lishi” moddasiga muvofiq rasmiylashtirildi.

Sud organlari tomonidan ma`muriy huquqbuzarlik sodir etganlikda aybdor deb topilgan 59 nafar fuqarolarga nisbatan jarima belgilandi, to`rt nafar fuqarolar ma`muriy qamoqqa olindilar, deyiladi xabarda.

Шарҳлар