Avvalroq Jahongir Otajonov prezidenlikka nomzodini qo'ymoqchi ekanini va niyati jiddiyligini aytib ikki marta murojaat qilgani haqida xabar bergandik. Ushbu murojaatlardan so`ng Axad Qayum munosabat bildirib, Jahongir Otajonovni qiziqchi deb atadi:
Men bugun qiziqchilik san`ati haqida gapirmoqchiman. Barchangizga ma`lum so`nggi yillarda san`atimiz maydonida yaxshi qiziqchilar chiqmay qoldi. Eng oxirgi chiqqan so`z ustasi Avaz Oxun. To`g`ri filmlarda rol o`ynayotgan komik aktyorlarimiz bor. Ammo yakkaxon, millionlab muxlislarga ega qiziqchi yo`q edi. Lekin o`zbek shou biznesida yangi qiziqchi paydo bo`ldi. Bu Jahongir Otajonov! Bu qiziqchimiz kechagi birinchi murojaatidanoq ko`plab kulgu ixlosmandlarini xursand qila oldi. Bundan buyog`iga ham Jahongir aka milliy qiziqchilik sohamizga o`z hissasini qo`shishiga tilakdoshmiz. Omad, Jahon aka, bosing! Biz sizga ishonamiz. Siz "nomer odin" qiziqchi bo`lib ketasiz, deydi Axad Qayum.
