my5
Sevimli

G`uzorda koronavirusdan kasallanganlar ko`paygani va o`lim holatlari bo`yicha rasmiy ma`lumot berildi

Salomatlik 04.04.2021, 16:47
Теглар: G`uzor, koronavirus
G`uzorda koronavirusdan kasallanganlar ko`paygani va o`lim holatlari bo`yicha rasmiy ma`lumot berildi

Qashqadaryo viloyati G`uzor tumani hokimligi matbuot xizmati 2 aprel kuni tarqatgan axborotga ko`ra, koronavirusga chalingani gumon qilingan 56 nafar shaxsdan olingan laboratoriya tahlil namunalari (ushbu namunalar aynan qaysi sanada olinganiga aniqlik kiritilmagan) viloyat virusologiya laboratoriyasiga yuborilgan, laboratoriya tekshiruvi natijalariga ko`ra (tekshiruv aynan qaysi sanada o`tkazilganiga aniqlik kiritilmagan) ularning 14 nafarida COVID-19 infeksiyasi aniqlangan.

Ushbu bemorlarning bari Qashqadaryo viloyat yuqumli kasalliklar shifoxonasiga yotqizilgan. 3 aprel, shanba kuni viloyat hokimligi matbuot xizmati koronavirusga chalingani tasdiqlangan 14 bemordan biri «shifokorlar tomonidan standartlar asosida ko`rsatilgan muolajalarga qaramay» vafot etganini ma`lum qildi.

«Tumandagi ‘Sovbog`’ mahalla fuqarolar yig`inida yashagan 68 yoshli fuqaro N.R. yondosh kasalliklari (qandli diabet) bo`lganligi sababli kasallik og`ir kechdi. Bemor o`tkir qon tomir va nafas etishmovchiligidan viloyat yuqumli kasalliklar shifoxonasida vafot etdi. Tuman hokimligi jamoasi marhumning vafoti munosabati bilan uning yaqinlariga hamdardlik bildiradi», — deyiladi G`uzor hokimligi axborotida.

Qayd etish joiz, G`uzor tumanida aprel oyida kuzatilgan 14 ta kasallanish va koronavirus oqibatidagi bitta o`lim holati hozircha Sog`liqni saqlash vazirligi tomonidan yuritilayotgan O`zbekistonning rasmiy koronavirus statistikasidan o`rin olmagan. SSV ma`lumotlariga ko`ra, aprel oyining dastlabki uch kunida butun Qashqadaryo viloyatida koronavirus infeksiyasini yuqtirib olish bilan bog`liq faqat ikkita holat (2 aprel kuni) aniqlangan.

Ma`lumot uchun, SSV tomonidan yuritilayotgan rasmiy statistika bo`yicha Qashqadaryo viloyatida 2021 yil boshidan 3 aprelga qadar — 93 kun davomida — koronavirus infeksiyasini yuqtirib olish bilan bog`liq jami 52 ta holat (kuniga o`rtacha 0,55 ta holat) tasdiqlangan. Xususan, yanvar oyida 21 ta (oyning 12 kunida kasallik aniqlangan, qolgan 19 kunida kasallik aniqlanmagan), fevral oyida 9 ta (oyning faqat 4 kunida kasallik aniqlangan, qolgan 24 kunda kasallik aniqlanmagan), mart oyida 20 ta (oyning faqat 5 kunida kasallik aniqlangan, qolgan 26 kunida kasallik aniqlanmagan) va aprel oyida, yuqorida ta`kidlanganidek, faqat 2 aprel kuni 2 ta holat qayd etilgan.

 

Шарҳлар

O`zbekistonda koronavirusga chalinganlar soni yana 200 nafardan oshdi. SSV muhim ogohlantirish berdi

27.11.2021, 11:19

2021 yil 26 noyabr holatiga ko`ra, O`zbekistonda koronavirus infeksiyasi qayd etilganlar soni 192599 (+218) nafarni tashkil etmoqda. Bu haqda Sog`liqni saqlash vazirligi matbuot xizmati ma`lum...
Chexiyada koronavirus bilan bog`liq kasallik soni ko`paygani tufayli yangi cheklovlarni joriy etdi

27.11.2021, 00:32

Evropa koronavirus yuqtirish holatlari keskin ko`paymoqda, deya xabar bermoqda Associated Press xabar berdi. Jumladan, Chexiyada koronavirus bilan bog`liq kasallik holatlari sababli yangi cheklovlar joriy etildi. Oxirgi sutkada...
O`zbekistonda koronavirusdan kasallanishlar va o`limlar soni ortdi

25.11.2021, 10:05

Kecha yurtimizda 220 nafarga yaqin kishida koronavirus infeksiyasi aniqlanib, 4 nafar bemor vafot etdi.2021 yil 24 noyabr holatiga ko`ra, O`zbekistonda koronavirus infeksiyasi qayd etilganlar soni...
Fransiyada koronavirusning navbatdagi to`lqini boshlandi

22.11.2021, 23:34

Fransiya hukumati mamlakatda koronavirusning navbatdagi to`lqini boshlanganini ma`lum qildi. Bu haqda Le Figaro xabar berdi. Mamlakat Bosh vaziri Gabriel Attalning so`zlariga ko`ra, bir hafta ichida koronavirus infeksiyasining yangi...