«Zhifei Loncom Biofarmaceutical» kompaniyasi mutaxassisi, olim Lui Peng Fey O`zbekiston–Xitoy hamkorligida yaratilgan vaksina nega 3 dozada olinishiga izoh berdi.
Olimning so`zlariga ko`ra, vaksinasining birinchi dozasini olgandan so`ng 30 va 60 kun o`tganidan keyin tegishli ravishda 2- va 3-dozalar bilan o`z vaqtida emlanish organizmda virusga qarshi antitanachalarning hosil bo`lishiga olib keladi.
«Xitoyda ko`ngilli fuqarolar orasida vaksinani klinik sinovlardan o`tkazdik. Tadqiqot kuzatuvlariga ko`ra, ‘ZF-UZ-VAC2001’ vaksinasining birinchi dozasini olgandan so`ng 30 va 60 kun o`tganidan keyin tegishli ravishda 2- va 3-dozalar bilan o`z vaqtida emlanish organizmda virusga qarshi antitanachalarning hosil bo`lishini aniqladik. Aytishim mumkinki, vaksinaning 1-dozasi bilan emlangan fuqaroda virusni qayta yuqtirish ehtimoli mavjud. Biroq 2- va 3-dozalari bilan emlangan fuqarolarda antitanachalar sezilarli ravishda ko`tarilishi olib borilgan tadqiqotlarimizda isbotlandi», — deydi kompaniya mutaxassisi.
