sevimli
Sevimli

Moliya vazirligi "Ochiq byudjet" portalining yangilangan shaklini taqdim etdi (foto)

Iqtisodiyot 10.07.2021, 14:20
Теглар: Moliya vazirligi
Moliya vazirligi "Ochiq byudjet" portalining yangilangan shaklini taqdim etdi (foto)

Joriy yilning 9 iyul kuni Moliya vazirligida byudjet ma`lumotlarining ochiqligini oshirish, shuningdek, yangilangan "Ochiq byudjet" axborot portali taqdimotiga bag`ishlangan seminar bo`lib o`tdi. Bu haqda "Darakchi.uz" muxbiri xabar bermoqda. 

Seminar byudjet ma`lumotlarining transparentligi va mavjudligi masalalari bo`yicha jamoatchilik bilan ochiq muloqotni yo`lga qo`yish maqsadida tashkil etildi. 

Seminarning rasmiy qismi doirasida Moliya vazirligi "Ochiq byudjet" (www.openbudget.uz) portalining yangilangan versiyasini taqdim etdi. 

Eslatib o`tamiz, portal 2019 yildan buyon faoliyat olib boradi va mamlakatda byudjet jarayonining asosiy jihatlarini ochib beradi. Byudjetning asosiy parametrlari, byudjet daromadlari va xarajatlari tarkibi, shuningdek, davlat byudjeti ijrosi to`g`risidagi hisobotlar va boshqa byudjet ma`lumotlari haqida axborot beradi. Portalda joylashtirilgan ma`lumotlar yordamida foydalanuvchilar byudjetning qanday shakllanishini va byudjet mablag`lari sarflanish jarayonlarini tushunishlari mumkin.

Joriy yilda BMTTD va Moliya vazirligining "O`zbekistonda barqaror rivojlanishni moliyalashtirish" qo`shma loyihasini amalga oshirish doirasida portalning dizayni qayta ko`rib chiqildi va uning faoliyati sezilarli darajada kengaytirildi. Portalning taqdim etilgan versiyasida yangi qulay formatda davlat byudjetining ijrosi to`g`risidagi ma`lumotlar aks ettirilgan. 

Portal mahalliy byudjetlarning ijrosi, jumladan, byudjet tashkilotlarining (har bir byudjet tashkiloti kesimida) va byudjetdan tashqari daromadlar va xarajatlar (O`zASBO dasturi bilan integrasiyalashuv orqali) Real vaqt rejimida bajarilishi haqida ma`lumot olish imkonini beradi. Qiziquvchilar, shuningdek, byudjet tashkilotlari xodimlarining ish haqi ma`lumotlarini onlayn ravishda kuzatib borishlari va yuklab olishlari mumkin.

Bundan tashqari, portalning funksiyalari fuqarolarga tegishli mahalliy byudjetlar mablag`lari hisobidan moliyalashtiriladigan tashabbuslarni ilgari surish va tanlashda ishtirok etish imkoniyatini berish bo`yicha takomillashtirildi. 2019 yildan boshlab respublikada fuqarolarning byudjet mablag`larini taqsimlashda ishtirok etish mexanizmi joriy etildi. Bu esa tumanlar (shaharlar) byudjetlarining qo`shimcha manbalarining bir qismini jamoatchilik fikri asosida shakllantirilgan tadbirlarni moliyalashtirishga yo`naltirishni nazarda tutadi. 

Joriy yilda jamoatchilik fikri asosida shakllantirilgan tadbirlarni moliyalashtirish uchun ajratiladigan mablag`lar manbalari kengaytirildi. Shu munosabat bilan, portalning yangi versiyasida fuqarolar tomonidan ilgari surilgan tashabbuslar bo`yicha byudjet mablag`lari, shuningdek, jamoatchilik ovozi orqali amalga oshiriladigan tashabbuslarni ilgari surish jarayoni butunlay yangicha tarzda ishlab chiqildi. 

Шарҳлар

Moliya vazirligi: "Tashabbusli byudjet" loyihasiga fuqarolardan jami 41 125 ta takliflar kelib tushgan

20.08.2021, 18:58

Bu haqda AOKAda Moliya vazirligi mutasaddilari ishtirokida o`tkazilgan matbuot anjumanida ma`lum qilindi.Takliflarning eng ko`pi 13 853 tasi ichki yo`llarni ta`mirlash, 6 798 tasi taklif umumta`lim...
Moliya vazirligi MHXS standartlarini qo`llash bo`yicha xalqaro ekspertlar fikrini e`lon qildi

14.03.2021, 14:06

Moliya vazirligi MHXS stardartlarini qo`llash bo`yicha korxonalarni qo`llab quvvatlash maqsadida www.buxgalter.uz va MHXS bo`yicha ekspert mutaxassislar bilan hamkorlikda MHXS standartlarining qoidalari bo`yicha ekspertlar fikrini  e`lon...