my5
Sevimli

Namanganda koronavirusni davolash va taqsimlash markazi qayta ochildi

Jamiyat 11.07.2021, 11:59
Теглар: koronavirus
Namanganda koronavirusni davolash va taqsimlash markazi qayta ochildi

Namangan viloyatida bugungi kundagi mavjud epidemiologik vaziyatdan kelib chiqqan holda koronavirus infeksiyasiga chalingan bemorlarni markazlashgan holda davolash, ularga tezkor va sifatli tibbiy xizmat ko`rsatish maqsadida o`tgan yili viloyat markazidagi “Barkamol avlod” sport majmuasida tashkil etilgan davolash va taqsimlash markazi faoliyati qayta tiklandi. Bu haqda O`zbekiston Milliy axborot agentligi xabar bermoqda. 

Ushbu markazda hozirgi kunda bir vaqtning o`zida 400 bemorni davolashga mo`ljallangan “koyka”lar tashkil etilgan. Shuningdek, og`ir reanimasion holdagi bemorlarni davolash uchun ham sharoitlar yaratilgan.

"Markazda har qanday holatda ham elektr energiyasi, ichimlik suvi va kislorod uzilmasligi kerak. Barcha elektr generatorlari doimo shay turishi, kislorod zaxiralari avvaldan etkazib berilishi shart", – dedi viloyat rahbari.

Qayd etish joizki, hozirgacha “Covid-19” infeksiyasi aniqlangan bemorlar Namangan shahrida joylashgan viloyat yuqumli kasalliklar shifoxonasida davolanayotgan edi. Ammo bugungi kunda viloyatda kasallikka chalinish holatlari ortib borayotganligi sababli markazni qayta ochishga to`g`ri keldi. Aytish mumkinki, faoliyati qayta tiklangan markazda turli hududlardan keltirilayotgan bemorlarni davolash uchun barcha zarur tibbiy jihozlar mavjud. Dori vositalari zaxirasi yaratilgan. Hozirda 100 nafarga yaqin malakali tibbiyot xodimi markazda faoliyat olib bormoqda.

Ma`lumot o`rnida, Namangan viloyatida deyarli har kuni o`nlab kishilarda “Covid-19” infeksiyasi aniqlanmoqda. Birgina, 2021 yilning 8 iyul kunida 23 kishi koronavirusga yo`liqqan.

Ayni vaziyatda esa viloyatdagi sog`liqni saqlash muassasalarida aholini “Covid-19” infeksiyasiga qarshi vaksinasiyalash tadbirlariga alohida e`tibor qaratilmoqda. Jumladan, 8 iyul kuni shahar va tumanlarda 19 ming 260 dozada emlash ishlari amalga oshirildi.

E`tiborlisi shundaki, Namangan viloyati jami emlash bo`yicha Respublikada eng yuqori ko`rsatkichga ega bo`lib turibdi. Joriy yilning aprel oyidan boshlangan emlash tadbirlarida aholiga hozirga qadar 574 ming 236 dona doza qo`llanilgan.

Шарҳлар

O`zbekistonda koronavirusga chalinganlar soni yana 200 nafardan oshdi. SSV muhim ogohlantirish berdi

27.11.2021, 11:19

2021 yil 26 noyabr holatiga ko`ra, O`zbekistonda koronavirus infeksiyasi qayd etilganlar soni 192599 (+218) nafarni tashkil etmoqda. Bu haqda Sog`liqni saqlash vazirligi matbuot xizmati ma`lum...
Chexiyada koronavirus bilan bog`liq kasallik soni ko`paygani tufayli yangi cheklovlarni joriy etdi

27.11.2021, 00:32

Evropa koronavirus yuqtirish holatlari keskin ko`paymoqda, deya xabar bermoqda Associated Press xabar berdi. Jumladan, Chexiyada koronavirus bilan bog`liq kasallik holatlari sababli yangi cheklovlar joriy etildi. Oxirgi sutkada...
O`zbekistonda koronavirusdan kasallanishlar va o`limlar soni ortdi

25.11.2021, 10:05

Kecha yurtimizda 220 nafarga yaqin kishida koronavirus infeksiyasi aniqlanib, 4 nafar bemor vafot etdi.2021 yil 24 noyabr holatiga ko`ra, O`zbekistonda koronavirus infeksiyasi qayd etilganlar soni...
Fransiyada koronavirusning navbatdagi to`lqini boshlandi

22.11.2021, 23:34

Fransiya hukumati mamlakatda koronavirusning navbatdagi to`lqini boshlanganini ma`lum qildi. Bu haqda Le Figaro xabar berdi. Mamlakat Bosh vaziri Gabriel Attalning so`zlariga ko`ra, bir hafta ichida koronavirus infeksiyasining yangi...