Innovasiya vazirligida ZF-UZ-VAC2001 o`zbek-xitoy vaksinasi bilan bog`liq shu va boshqa savollarga javob berildi.
Homilador ayollarni emlash mumkinmi?
- Yo`q. Buning sababi, vaksinaning homilador ayollarga ta`siri klinik sinovlarda o`rganilmagan. Shuning uchun, emlashning oxirgi dozasidan keyin 3-6 oy ichida homiladorlikni rejalashtirmaslik tavsiya etiladi.
Antitanachalar qancha muddat saqlanib qoladi?
- Butun dunyoda bo`lgani kabi, ushbu mavzu bo`yicha tadqiqotlar davom etmoqda. Antitanachalar 1 yildan 2 yilgacha saqlanib qoladi deb taxmin qilinmoqda.
Emlashdan keyin kasallanish holatlari bo`lganmi?
-O`zbekistonda antitanachalar ishlab chiqilganidan keyin, ya`ni uchinchi doza bilan emlangandan 20-25 kun o`tgach, kasallikka chalinish holatlari ro`yxatga olinmagan.
Vaksina yangi shtammlardan himoya qiladimi?
- Tadqiqotlarga ko`ra, ZF-UZ-VAC2001 Braziliya, Britaniya, Janubiy Afrika, Hindiston va yaqinda aniqlangan Kaliforniya shtammlaridan himoya qilishi mumkin.
Ushbu vaksina bilan O`zbekiston va Xitoyda qancha odam emlangan?
- 9 iyul holatiga ko`ra, O`zbekistonda 3,2 milliondan ortiq dozadan foydalanilgan, Xitoyda esa 90 milliondan ortiq odam ushbu vaksinani olgan.
