my5
Sevimli

“O`zbekneftgaz”: Tizimda davlat xaridlarining ochiq va shaffof tarzda o`tkazilishi to`liq ta`minlanmoqda

Iqtisodiyot 02.08.2021, 09:08
“O`zbekneftgaz”: Tizimda davlat xaridlarining ochiq va shaffof tarzda o`tkazilishi to`liq ta`minlanmoqda

“O`zbekneftgaz” AJ Boshqaruvi raisi Mehriddin Abdullaev tomonidan berilgan topshiriqlari ijrosini ta`minlash borasida, Xaridlar departamenti tomonidan tizimda xaridlarning shaffofligini ta`minlash va sog`lom raqobat muhitini yaratish maqsadida bir qator ishlar amlaga oshirilmoqda.

“O`zbekneftgaz” AJ tomonidan amalga oshirilayotgan xaridlar bo`yicha e`lonlar, barcha kerakli ma`lumotlar va natijalar bir vaqtning o`zida bir nechta maxsus axborot portalida, ya`ni exarid.uzex.uz, tenderweek.com hamda Jamiyatning rasmiy sayti ung.uz da muntazam ravishda joylashtirilib borilmoqda.

Joriy yilda amalga oshirilgan xaridlar natijasida ishlab chiqarish uzluksizligini ta`minlash maqsadida, quduqlarni burg`ilash va kapital ta`mirlash ishlarini amalga oshirish uchun (respublikada ishlab chiqarilmaydigan) dunyoning ilg`or ishlab chiqaruvchi zavodlari bilan 50,0 ming tonnaga yaqin mustahkamlovchi metall quvurlar, 1 320,0 dona burg`ilash dolotalari, 10,0 ming tonnadan ortiq choksiz quvurlar, 100 donadan ortiq quduq ustki jihozlari (fontannaya armatura) etkazib berish bo`yicha sharnomalar rasmiylashtirildi.

Bugungi kunga qadar mustahkamlovchi metall quvurlarning qariyb 20,0 ming tonnasi, burg`ilash dolotalarining 600,0 donasi, choksiz quvurlarning 3,5 ming tonnasi va quduq ustki jihozlarining 60,0 donadan ortig`i ishlab chiqarish ob`ektlariga etkazib berilib, qolgan qismi bo`yicha ishlab chiqarish va logistika ishlari davom etmoqda.

 

Yuqoridagi xaridlarda etkazib beruvchi korxonalar bilan olib borilgan muzokaralar natijasida qariyb 8,0 mln AQSh dollari miqdorida qo`shimcha chegirmalar (skidka) olinib, Jamiyatning valyuta mablag`lari iqtisod qilinishiga erishildi. Mazkur ko`rsatkich 2020 yilning mos davriga nisbatan 30% dan ko`proqni tashkil etadi.

Bundan tashqari, xaridlar birinchi navbatda mahalliy ishlab chiqaruvchilar imkoniyatlari chuqur tahlil qilingan xolda yagona elektron kooperasion portali orqali amalga oshiriladi.

Mazkur portal orqali joriy yilning 1 iyul xolatiga 1 527ta qiymati 238,5 mlrd so`mlik shartnomalar rasmiylashtirgan.

2021 yil 23 iyuldan boshlab kuchga kirgan O`zbekiston Respublikasi “Davlat xaridlari to`g`risida”gi O`RQ–684-son Qonunida belgilangan asosiy prinsiplar – davlat buyurtmachisining kasbiy mahorati, asoslanganlik, moliyaviy mablag`lardan foydalanishning oqilonaligi, tejamkorlik va samaradorlik, tortishuv va xolislik, davlat xaridlari tizimining yagonaligi va yaxlitligi, korrupsiyaga yo`l qo`ymaslik kabi talablardan chiqmagan holda xarid jarayonlari tashkil qilinmoqda.

Xususan, xarid jarayonlarida mahalliy ishlab chiqaruvchilarni jalb qilish hamda ularda inson omili ta`siriga yo`l qo`ymaslik maqsadida xaridlarni elektron shaklda o`tkazish chora-tadbirlari ko`rilmoqda.

Qonunga muvofiq, umumiy qiymati bazaviy hisoblash miqdorining 25 000 baravarigacha bo`lgan xaridlar elektron shaklda, ya`ni yagona elektron kooperasion portal, elektron do`kon yoki boshlang`ich narxni pasaytirish uchun o`tkaziladigan auksion savdolari orqali o`zkazilmoqda.

Bundan tashqari, ilgari tovarlarning (ishlarning, xizmatlarning) qiymati bazaviy hisoblash miqdorining 5 000 baravari miqdoridan oshgan hollarda, xaridga doir texnik topshiriqlar kompleks ekspertizadan o`tkazish uchun belgilangan tartibda Iqtisodiy taraqqiyot va kambag`allikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” davlat unitar korxonasiga kiritilgan bo`lsa, hozirda O`zbekiston Respublikasi Prezidentining 2021 yil 2 iyuldagi “Davlat xaridlari shaffofligini ta`minlash va samaradorligini oshirishga doir qo`shimcha chora-tadbirlar to`g`risida”gi PQ–5171-sonli qaroriga asosan, qiymati bazaviy hisoblash miqdorining 25 000 baravari miqdoridan oshgan hollarda, xaridga doir texnik topshiriqlar va tender hujjatlarini kompleks ekspertizadan o`tkazilmoqda.

Bu esa, o`z navbatida Jamiyat xarid tizimini yanada takomillashtirish hamda ularning joriy ishlab chiqarish faoliyati uzluksiz amalga oshirilishini ta`minlashga yo`l ochdi.

Shu bilan birga, “O`zbekneftgaz” AJ Boshqaruvi raisi tashabbusi bilan tovar-moddiy resurslar (TMR) aylanmasini nazorat qilish, tovarlarni takroriy sotib olinishining oldini olish, transport logistikasini avtomatlashtirish hamda omborlarda mavjud bo`lgan TMRlardan unumli foydalanish maqsadida, TMR zaxiralarni boshqarish” bo`yicha avtomatlashtirilgan 1S ombor tizimi joriy qilindi.

Natijada, “O`zbekneftgaz” AJ tasarrufidagi korxona, tashkilot va boshqarmalar omborxonalarida mavjud bo`lgan tovar-moddiy resurslar hisobini yuritishning markazlashgan onlayn tizimi ishga tushirildi. Misol uchun, avvallari omborlarda TMRlar zaxirasini aniqlashga 3-4 kun vaqt sarflangan bo`lsa, xozirda avtomatlashtirish natijasida mazkur ishni amalga oshirish uchun bor-yo`g`i 10-15 daqiqa talab etiladi.

Shuningdek, omborlarda TMRlar zaxirasi hisobi nafaqat kompyuterlarda, balki inson omili minimallashtirilib, mobil qurilmalar yordamida masofadan turib ham boshqarish orqali shaffoflikka erishildi.

Шарҳлар