my5
Sevimli

Toshkentda qushlarni otib o`ldirishayotgani rostmi? IIB izoh berdi

Jamiyat 03.08.2021, 19:46
Теглар: Toshkent, qush
Toshkentda qushlarni otib o`ldirishayotgani rostmi? IIB izoh berdi

Ijtimoiy tarmoqlarda  qushlar otib o`ldirilayotgani bilan bog`liq xabar tarqaldi.

Toshkent shahar IIBning ma`lumotiga ko`ra, 2021 yil 1 avgust kuni soat 18.00 da Mirzo-Ulug`bek tumanida yashovchi 1964 yilda tug`ilgan Elena V. ichki ishlar organlariga ko`p qavatli uy yonida vagon o`rnatilgan bo`lib, uning yonida noma`lum shaxslar qushlarni otishayotgani haqida xabar bergan.

Mirzo-Ulug`bek tumani  ichki ishlar bo`limi profilaktika inspektori katta leytenant J. Alimov tomonidan yuqoridagi vagon egasi 1987 yilda tug`ilgan Sh.X. suhbatga chaqirilgan.

 Suhbat davomida fuqaro ko`chada taxminan 30 yosh atrofidagi kishi pnevmatik qurol ko`tarib yurganini ko`rib qolganini va qurol haqida savollar berib, o`q uzishga ruxsat olganini ma`lum qilgan.

 Nishon sifatida xavfsiz masofada bo`lgan konserva bankasi tanlangan. O`sha joydan o`tib ketayotgan ayol bu holatdan noroziligini bildirganda, qurol egasi kelishmovchilikka sababchi bo`lmaslik niyatida voqea joyini tark etgan.

Mazkur fakt asosida olib borilgan ishlar davomida holat guvohlari so`roq qilingach, Sh.X.ning gaplari tasdiqlangan va qushlar yoki boshqa hayvonlar otilmagani ma`lum bo`lgan.

Holat arizachiga tushuntirilganda, u qurollarning farqiga bormasligini va sport quroli jiddiy xavf tug`diradi deb o`ylaganini aytgan. Shuningdek, u hayvonlar tomon o`q uzilmoqda deb yanglish taxmin qilganini bildirgan. Tushuntirish ishlaridan so`ng Elena V. profilaktika inspektoriga kelishmovchilik barham topganini va ijtimoiy tarmoqlardagi xabarlarini o`chirganini ma`lum qilgan.

Шарҳлар

Toshkentda "O`zbekiston madaniy merosi – yangi renessans poydevori" V xalqaro kongressi boshlandi

13.09.2021, 12:02

Joriy yilning 13–21 sentyabr kunlari Toshkent, Xiva va Nukus shaharlarida o`tkazilishi rejalashtirilgan an`anaviy madaniy meros haftaligi bo`lib o`tadi.Ma`lumotlarga ko`ra, haftalik doirasida bir qator ko`rgazmalar va...
Toshkentda talabalar bilan bog`liq qanday muammo bo`lmoqda? Vazir holatni tezkor o`rgandi

08.09.2021, 12:10

6 sentyabrdan barcha oliy ta`lim muassasalarida yangi o`quv yili an`anaviy shaklda boshlandi. Ushbu jarayonda asosiy oliygohlar joylashgan Toshkent shahri talabalar bilan gavjumlashdi va ular bilan...
Toshkentning to`rtta tumani chegaralarida o`zgarish bo`ldi

24.07.2021, 20:25

Xalq deputatlari Toshkent shahar kengashi qarori bilan poytaxtning Sergeli, Bektemir, Mirzo Ulug`bek va Yashnobod tumanlari hududiga Toshkent viloyatining Zangiota, Qibray, Yuqori Chirchiq va O`rtachirchiq tumanlaridan...
Jahongir Ortiqxo`jaev koronavirusga qarshi emlandi

17.07.2021, 17:58

Jahongir Ortiqxo`jaev koronavirusga qarshi 2 marotaba  emlandi. Bu haqda Toshkent shahar hokimligi matbuot xizmati xabar berdi.Ma`lum bo`lishicha hokim O`zbekiston - Xitoy aksinasi bilan emlangan. Uning aytishicha, yaqin...