my5
Sevimli

“O`zbekneftgaz”: Boshqaruv raisi boshchiligidagi “Ishchi guruh” Ustyurt regionida amalga oshirilayotgan geologiya-qidiruv ishlari holatini o`rgandi (Foto)

Iqtisodiyot 21.08.2021, 11:28
“O`zbekneftgaz”: Boshqaruv raisi boshchiligidagi “Ishchi guruh” Ustyurt regionida amalga oshirilayotgan geologiya-qidiruv ishlari holatini o`rgandi (Foto)

O`zbekiston Respublikasi Prezidenti Shavkat Mirziyoevning 2019 yil 18 noyabrdagi №4522-sonli Qarorida belgilangan vazifalarni o`z vaqtida va samarali bajarish, bu orqali tabiiy gaz zaxiralarini ko`paytirishni ta`minlash maqsadida “O`zbekneftgaz” AJ Boshqaruvi raisi Mehriddin Abdullaev boshchiligidagi “Ishchi guruh” a`zolari tomonidan Ustyurt regionida olib borilayotgan geologiya-qidiruv ishlari o`rganildi. Bu haqda “O`zbekneftgaz” AJ Matbuot xizmati ma`lum qildi.

 

Boshqaruv raisi tomonidan dastlab Ustyurt regionida olib borilayotgan ishlarning bugungi holati joyida ko`rib chiqildi, ushbu jarayonlarda ishtirok etayotgan mutaxassislar ishtirokida tanqidiy-tahliliy muhokama ham o`tkazildi.

Ustyurt regionida amalga oshirilayotgan geologiya-qidiruv ishlari doirasida 2021 yil boshidan buyon bitta yangi maydon izlov-qidiruv ishlariga jalb etildi. Natijada esa, 25 ming metr burg`ilash ishlari bajarildi.

Bundan tashqari, 3 ta quduq qurilish bilan tugatilib, sanoat miqyosidagi tabiiy gaz oqimlari olina boshlandi hamda uglevodorod xomashyosini qazib chiqarish ishlari boshlandi.

 

Boshqaruv raisiga ushbu regionda joriy yil boshidan buyon geologiya-qidiruv ishlari bo`yicha tadbirlarni bajarish evaziga 4,9 million tonna shartli yoqilg`i miqdoridagi uglevodorod zaxiralarini ko`paytirishga erishilgani, belgilangan tadbirlar 120%ga bajarilgani, shuningdek, ularning samaradorligi 7 barobardan oshayotgani borasida hisobot berildi.

Geologiya-qidiruv ishlarining joriy holatini tahlil qilish jarayonida Boshqaruv raisi tomonidan “Quyi Surgil” va “G`arbiy Quyi Surgil” konlarida bajarilayotgan geologiya-qidiruv ishlarini jadallashtirish, “Quyi Sharqiy Berdaq” maydonidagi 2-, 3-sonli quduqlardagi burg`ilash ishlarini joriy yilning sentyabr oyida, shuningdek, “Shagirlik” maydonidagi 1-sonli izlov-qidiruv quduqlarida burg`ilash ishlarini samarali yakunlash bo`yicha topshiriqlar berildi.

Bu borada belgilangan chora-tadbirlarni amalga oshirish borasida tegishli departament boshliqlari va mutuxassislarga zarur ko`rsatmalar berildi.

 

Ustyurt regionida joriy yil yakuniga qadar amalga oshiriladigan geologiya-qidiruv ishlarining barcha tadbirlarini tanqidiy jihatdan qayta ko`rib chiqish, ularni maqsadli qayta rejalashtirish hamda ortiqcha sarf-xarajatlarni kamaytirish bo`yicha aniq vazifalar belgilab berildi.

Geologiya-qidiruv ishlarina amalga oshirish doirasida Ustyurt regionidagi maydonlar va ob`eklarning yangi istiqbollarini aniqlash, ularning hududidagi chuqur qatlamlarni o`rganish, barcha ma`lumotlarni kompleks tahlil qilish bo`yicha tahlillarni amalga oshirish zarurligi ta`kidlandi.

 

O`rganish ishlari davomida, 2021 yil yakuniga qadar yana 1 ta yangi maydonni izlov-burg`ilash ishlariga kiritish, yakunda ushbu regionda 43 ming metr burg`ilash ishlarini bajarish, yana kamida 3 ta quduqda burg`ilash va mahsuldor qatlamlarni sinash ishlarini yakunlash belgilandi.

Shuningdek, uglevodorod xomashyosi zaxiralarini 13,0 million tonna shartli yoqilg`i miqdoriga ko`paytirishni ta`minlash bo`yicha zarur ko`rsatmalar berilib, joriy yil yakuniga qadar Ustyurt regioni bo`yicha geologiya-qidiruv ishlarining barcha ko`rsatkichlarini 100 foizdan ortig`i bilan bajarish vazifasi topshirildi.

“O`zbekneftgaz” AJ Boshqaruvi raisi Ustyurtdagi ishlar holatini o`rganish jarayonida ishchi-xodimlarga yaratilgan sharoitga alohida e`tibor qaratdi.

Jumladan, ishchi-xodimlarning maxsus kiyim-bosh bilan ta`minlanganlik, ovqatlanish hamda yashash sharoitlari o`rganildi.

 

Boshqaruv raisi tomonidan ishchi-xodimlarning yotoq-joylarida ular uchun ajratilgan jihozlar, muzlatkich va kunlik ovqatlanishi, zarur mahsulotlarning saqlanishi hamda sifatiga e`tibor qaratdi.

Bunda ishchi-xodimlar uchun yaratilgan sharoitlar bundan-da yaxshiroq bo`lishi, yozning jazirama va qishning ayozli kunlarida aynan mana shu ishchilarning mehnati evaziga tabiiy gaz qazib chiqarish hajmi oshirilayotgani aytildi va ular yaxshiroq sharoitga munosib ekanligi ta`kidlandi.

 

Eslatib o`tamiz, Boshqaruv raisi boshchiligidagi “Ishchi guruh” Ustyurtda tabiiy gaz qazib chiqarish borasida o`rganish ishlarini davom ettiradi.

 

Шарҳлар