my5
Sevimli

MDH o`yinlari: "Koresh" bo`yicha 9ta medal qo`lga kiritildi

Sport 08.09.2021, 11:14
Теглар: koresh, I MDH o`yinlari
MDH o`yinlari: "Koresh" bo`yicha 9ta medal qo`lga kiritildi

Rossiyaning Qozon shahrida ilk marotaba o`tkazilayotgan MDH davlatlari o`yinlari dasturidan Tataristonning milliy sport turi, ya`ni koresh ham o`rin olgan va ushbu sport turi bo`yicha o`tkazilgan bellashuvlarda O`zbekiston Bel olish va uch kurash assosiasiyasi nomidan 10 nafar sportchi ishtirok etishdi. Bu haqda Turizm va sport vazirligi xabar bermoqda.

Ma`lum qilinishicha, koresh bellashuvlarida 10 nafar terma jamoa a`zolaridan 4 nafari kumush va 5 nafari bronza medalini qo`lga kiritib, umumjamoa hisobida faxrli 3-o`rinni egallashdi.

Biroq, terma jamoa bosh murabbiyi Nosir Azizovning ta`kidlashicha, natijalar bundan ham yuqori bo`lishi mumkin edi. Boisi, -70 kg vazn toifasida Manguberdi Imyanov hamda -75 kg vazn toifasida kurash tushgan Husan Abduhakimov final bellashuvlarida rossiyalik raqiblariga nisbatan yaqqol ustunlikka erishgan bo`lsa-da, musobaqa hakamlari tomonidan sportchining natijalari e`tiborga olinmagan. Shu tariqa har ikki sportchi kumush medallarga loyiq ko`rilgan.

I MDH o`yinlarining "koresh" bo`yicha musobaqalarida o`z vazn toifalarida medallarga ega bo`lgan polvonlar bilan tanishing:

Kumush medal sohiblari:

  • -70 kg: Manguberdi Imyanov,
  • -75 kg: Husan Abduhakimov,
  • -100 kg: Uchqunjon Xursandov,
  • Mutlaq vazn: Ilyosbek Obidjonov.
     

Bronza medali sohiblari:

  • -65 kg: Abdurahmon Egamov,
  • -80 kg: Muhammadkarim Karimov,
  • -85 kg: Akmaljon Hakimov,
  • -90 kg: Umidjon Jalilov,
  • -120 kg: Asadbek Zokirov.

Шарҳлар