my5
Sevimli

ShHTning navbatdagi sammitiga O`zbekiston raislik qiladi (Video)

Dunyo 17.09.2021, 14:31
ShHTning navbatdagi sammitiga O`zbekiston raislik qiladi (Video)

Shanxay hamkorlik tashkilotining Dushanbedagi sammitida ushbu nufuzli tashkilotga 2021-2022 yillarda raislik qilish O`zbekistonga o`tishi to`g`risida qaror qabul qilindi.  Bu haqda Prezident Matbuot kotibi Zerzod Asadov xabar berdi.

Ma`lum qilinishicha, Prezident Shavkat Mirziyoev mamlakatimizning ShHTdagi raisligidagi ustuvor vazifalarini bayon qilgan. 

Bular:

- ShHTning nufuzi va salohiyatini yanada oshirish;

 

- Ichki mintaqaviy savdoni rivojlantirish dasturini ishlab chiqish;

 

- Sanoat kooperasiyasi dasturini qabul qilish va bu borada hamkorlikni nazarda tutuvchi markazlarni tuzish;

 

- ShHTning Transport bog`liqligi strategiyasini qabul qilish;

 

- ShHT makonida infratuzilmani rivojlantirish dasturini ishlab chiqish;

 

- kambag`allikni kamaytirish va oziq-ovqat xavfsizligi sohalaridagi hamkorlikni kuchaytirish;

 

- ShHTning xalqaro axborot xavfsizligi bo`yicha ekspertlar forumini ta`sis qilish;

 

- ShHTning Ezgu niyat elchisini institutini joriy qilish;

 

- turizm sohasida hukumatlararo bitimni ishlab chiqish;

 

- yuqumli kasalliklarga qarshi kurashishni nazarda tutuvchi “Yo`l xaritasi”ni qabul qilish.

O`zbekiston raisligi davrida davlatimiz rahbari tomonidan belgilab berilgan ustuvor vazifalarni amalga oshirish maqsadida hamkorlarimiz bilan birgalikda 80 dan ortiq tadbir o`tkazish rejalashtirilgan.

Шарҳлар