Долзарб мавзулар Xalq bilan muloqot va inson manfaatlari yili

O`zbekiston yoshlar terma jamoasining ikki nafar a`zosi jarimaga tortildi

Бўлимлар: Sport
Теглар: Futbol
Добавлено: 11.04.2016, 14:38

Toshkentning “Paxtakor” klubida Samarqandning “Dinamo” jamoasidan ijara asosida to`p surayotgan Doston Ibragimov va Saidjamol Davletjanovlar tartib-intizom kodeksining bir necha bandlarini buzganligi sababli 1 million so`mdan jarimaga tortildi. Bu haqda O`FF matbuot xizmati xabar bermoqda

Davletjanov va Ibragimovlar shu yili 23-30 mart kunlari o`tkazilgan O`zbekiston U-19 terma jamoasining yig`inidan o`zboshimchalik bilan ketib qolganligi haqidagi bosh murabbiy Jasur Abduraimov taqdim etgan raport jarimaga asos bo`ladi.

Shu bilan birga yoshlar terma jamoasiga nomzod bo`lgan “Paxtakor” futbol klubi o`yinchisi Jamshid Yusupovga terma jamoaning bir qator yig`inlariga 2-3 kunga sababsiz kechikib kelganligi uchun 500 ming so`m miqdorida jarima solindi.

Jarimaga tortish haqidagi qaror O`zbekiston Futbol Federasiyasining Tartib-intizom qo`mitasi tomonidan qabul qilindi.

Jarimalar kor qilmagan taqdirda Doston Ibragimov, Saidjamol Davletjanov va Jamshid Yusupovlar muayyan muddatga futbolchilik lisenziyasidan mahrum qilinishi mumkinligi haqida ogohlantirildi.

Google+
WhatsApp
VK
Telegram

Комментарии

Mutolaa

SUG'DIYONA